Д.ОДБАЯР НАР БНСУ-Д МЭДҮҮЛЭГ ӨГӨЛГҮЙ БУЦВАЛ ХЭРЭГ НЬ ПРОКУРОР ЛУУ ШИЛЖИНЭ

Өнгөрсөн аравдугаар сарын 31-ны өдөр Улаанбаатар- Сөүлийн чиглэлд зорчиж байсан МУ-ын Үндсэн хуулийн цэцийн дарга Д.Одбаяр онгоцны үйлчлэгч бүсгүйн өгзгөнд хүрч, бэлгийн дарамт учруулсан талаар БНСУ-ын хэвлэлүүд мэдээлж байна. Тэрбээр нислэгийн үеэр согтууруулах ундаа хэрэглэсэн байсан бөгөөд онгоцны ариун цэврийн өрөөнөөс гарч явахдаа үйлчлэгч бүсгүйн биед халдсан нь ийнхүү гадна, дотны хэвлэлийн "баатар" болох шалтгаан болсон юм.

Мөн Д.Одбаяртай хамт явсан А нь мөн л үйлчлэгч бүсгүйн мөрөөр нь тэвэрсэн бөгөөд тэднийг онгоцноос буусан байх үед нь БНСУ-ын цагдаа нар баривчлан шалгасан байна. Энэ үеэр БНСУ дахь Монголын Элчин сайдын яамнаас "тэднийг дипломат эрхтэй" хэмээн суллуулж, нислэлийг цааш үргэлжлүүлжээ. Харин асуудлыг шалгахад тэдний дипломат эрх БНСУ-д үйлчлэхгүй бөгөөд тодруулбал, дипломат эрх нь зөвхөн тухайн төлөөлөгчийг илгээсэн болон хүлээн авч буй улсад л хамаарах аж.

Тиймээс Д.Одбаяр, А нарыг буцахдаа БНСУ-д ирж мэдүүлэг өгөхгүй нислэгээ өөрчилж, шууд Монгол руу буцсан тохиолдолд хэргийг прокурорт шилжүүлнэ гэж мэдэгдсэн байна.

Эх сурвалж: news.mn