Увс, Ховд, Баян-Өлгийд цахилгаан эрчим хүчийг түр хязгаарлана

ОХУ-ын Чадан дэд станцаас Хандгайт-Улаангом чиглэлийн 110 кВ-ын цахилгаан дамжуулах агаарын шугамын хүчдэлийг түр хугацаанд хязгаарлана.

Тодруулбал, өвөлжилтийн бэлтгэл ажлын хүрээнд жилийн төлөвлөгөөт засвар үйлчилгээг энэ сарын 11-ний өдрийн 06:00-20:00 цагийн хооронд хийхээр болсонтой холбогдуулан Увс, Ховд, Баян-Өлгий аймгийн цахилгаан эрчим хүчийг тухайн хугацаанд хязгаарлах юм. Энэ үеэр баруун гурван аймгийн төвийн 1-р зэргийн хэрэглэгчдийг Дөргөний усан цахилгаан станцаас цахилгаан эрчим хүчээр хангана.

Мөн энэ сарын 12-ны өдрийн 06:00-20:00 цагт Баруун бүсийн цахилгаан түгээх сүлжээ төрийн өмчит хувьцаат компанийн “Увс цахилгаан түгээх салбар”-аас 35 кВ-ын цахилгаан дамжуулах агаарын шугамд төлөвлөгөөт урсгал завсар хийх тул аймгийн 19 сумын гэрэл цахилгааныг түр хязгаарлана.

Иймээс цахилгаан, эрчим хүч хэрэглэгчдийг тухайн хугацаанд шаардлагатай нөөц эх үүсгүүрээ ашиглан хэрэглээгээ зохицуулахыг Баруун бүсийн цахилгаан түгээх сүлжээ төрийн өмчит хувьцаат компаниас анхааруулж байна.