“Дарханы төмөрлөгийн үйлдвэр” 1.1 тэрбум төгрөгийн тоног төхөөрөмжийг эмнэлэгт хүлээлгэн өглөө

“Дарханы төмөрлөгийн үйлдвэр” ХХК нийгмийн хариуцлагын хүрээнд Дархан-Уул аймгийн Нэгдсэн эмнэлэгт 1.1 тэрбум төгрөгийн өртөг бүхий долоон төрлийн, нийт есөн ширхэг эмнэлгийн тоног төхөөрөмж хүлээлгэн өгч, ашиглалтад орууллаа.

Тоног төхөөрөмжүүдэд:

• Хүүхдийн компьютер томографийн аппарат – 1
• Хүүхдийн дуран – 1
• Рентген хоолой – 1
• Дижитал рентген аппарат – 1
• Гемодиализийн аппарат – 2
• Гемодиализийн зөөврийн усны аппарат – 1
• Зүрхний цахилгаан бичлэгийн аппарат – 2 багтаж байна.

Ингэснээр Дархан-Уул аймгийн иргэд төдийгүй төвийн бүсийн оршин суугчид зарим төрлийн оношилгоо, эмчилгээнд Улаанбаатар хотыг зорих шаардлага багасаж, цаг хугацаа болон санхүүгийн зардлаа хэмнэх боломж бүрдэх юм.

“Дарханы төмөрлөгийн үйлдвэр” ХХК 2025 онд нийгмийн хариуцлагын хүрээнд 3.1 тэрбум төгрөг зарцуулсан бол 2026 оны эхний хагасын байдлаар 2.7 тэрбум төгрөгийн төсөл, арга хэмжээг хэрэгжүүлээд байна.

Үүний хүрээнд эрүүл мэндийн салбарын тоног төхөөрөмжийн шинэчлэлээс гадна Дархан-Уул аймгийн Хонгор суманд мини хөл бөмбөгийн талбай байгуулах, ШУТИС-ийн Дархан-Уул аймаг дахь Технологийн сургуулийн инженерийн хөтөлбөрийг дэмжих, сагсан бөмбөг, волейбол, шайбтай хоккейн багуудтай хамтран ажиллах зэрэг төсөл, арга хэмжээг хэрэгжүүлж байгаа аж.