Нэрийн дансны орлогод тооцох хүүгийн доод хэмжээг 11.28 хувиар тогтоов

Даатгуулагчдын тэтгэврийн даатгалын нэрийн дансны 2025 оны орлогод тооцох хүүгийн доод хэмжээг 11.28 хувиар тогтоолоо.

Ингэснээр нэрийн данс нээлгэсэн 1,530.6 сая даатгуулагчдаас 1979 оны 1 дүгээр сарын 1-нээс хойш төрсөн 77.1 хувь нь буюу 1,180.8 сая даатгуулагч шимтгэлийн орлогод тооцсон хүүавахаар болсныг Гэр бүл, хөдөлмөр, нийгмийн хамгааллын яам мэдээлэв.

Нийгмийн даатгалын үндэсний зөвлөлийн ээлжит хуралдаанаар НДС-гийн чөлөөт үлдэгдлээс банкны системд нөлөө бүхий арилжааны банканд байршуулах мөнгөн хадгаламжийн дээд хэмжээг 2026 онд 565 тэрбум төгрөгөөр баталжээ. Шийдвэрийн дагуу НДС-гийн чөлөөт үлдэгдлийг арилжааны банканд байршуулах мөнгөн хадгаламжийг энэ онд жилийн 13.94 хувийн хүүгийн орлого олох боломж бүрдэж байна.

Мөн үйлдвэрлэлийн осол, мэргэжлээс шалтгаалсан өвчний даатгалын сангаас санхүүжүүлэх, урьдчилан сэргийлэх үйл ажиллагааны 2026 оны төлөвлөгөөнд нэмэлт өөрчлөлт оруулав. Ингэснээр Нийгмийн даатгалын ерөнхий хууль, НДС- гаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуульд нэмэлт, өөрчлөлт оруулах тухай хуулийн ач холбогдол, нэмэлт, өөрчлөлтийн талаар ажил олгогч, иргэд, даатгуулагч, нийгмийн даатгалын байцаагч, ажилтнуудад мэдээлэл, зөвлөгөө өгөх сургалтыг энэ онд багтаан зохион байгуулах ажээ.