Иргэд: Ажил, амьдралаа машинаар залгуулдаг бид шатахууны хэрэглээгээ бууруулах боломжгүй

Шатахууны хэрэглээг бууруулах уриалгатай холбоотойгоор иргэдийн байр суурийг сонслоо. Тэдний хувьд ажил, амьдралын өдөр тутмын хэрэгцээ нь автомашинтай шууд холбоотой тул шатахууны хэрэглээг богино хугацаанд бууруулах боломж хязгаарлагдмал байгааг хэлж байна.

“Хүүхдээ сургууль, цэцэрлэгт нь хүргэх, ажилдаа явах зэрэг өдөр тутмын хэрэгцээнд автомашинаар зорчдог. Ялангуяа хүйтний улиралд шатахуунаа хэмнэхийн тулд хүүхдээ алхуулах боломжгүй” хэмээн иргэд байр сууриа илэрхийлжээ.

Мөн шатахууны хэрэглээг бууруулах шаардлагатай бол иргэдийн бодит амьдрал, нийтийн тээврийн хүртээмж, цаг агаарын нөхцөл зэрэг хүчин зүйлсийг харгалзан үзэх шаардлагатайг онцолж байна.