“Талх Чихэр” ХК-ийн “Мишээл” хөх тариан талх “Ард Түмний хүнс”-ээр шалгарлаа

Монголын Хүнсчдийн Нэгдсэн Холбооноос жил бүр уламжлал болгон зохион байгуулдаг “Ард түмний хүнс” шалгаруулалтын “Шилдэг гурил, гурилан бүтээгдэхүүний ангилалд Хүнсний Манлай үйлдвэр “Талх Чихэр” ХК-ийн “Мишээл” хөх тариан талх тодорлоо.

Тус шалгаруулалт нь хэрэглэгчдийн санал асуулгад үндэслэн, амт, чанар, аюулгүй байдлаараа хэрэглэгчдийн итгэлийг хүлээсэн хүнсний бүтээгдэхүүнийг шалгаруулдгаараа онцлог юм.
“Талх Чихэр” ХК нь 2006 онд “Мишээл” талхны үйлдвэрлэлийн шугамаа ашиглалтад оруулж, тус бүтээгдэхүүнийг хэрэглэгчдэд хүргэж эхэлсэн түүхтэй. Өдгөө 20 жилийн турш хэрэглэгчдийн хүнсний хэрэглээний салшгүй хэсэг болж, амт, чанараараа танигдсан үндэсний бүтээгдэхүүн юм.