Куандук Бишинбаевд 20 жилийн ял төлөвлөжээ

Куандук Бишинбаев нь 1980.04.11-нд төрсөн 44 настай. Казахстаны Удирдлагын академи, Жорж Вашингтоны их сургууль зэрэг гурван ч дээд сургуульд төгссөн өндөр боловсролтой нэгэн юм. Казакстаны ерөнхийлөгч асан Н.Назарбаевын туслахаас эхлээд Казахстаны Хөгжлийн банкны менежер, Төрийн сангийн газрын ерөнхий менежер, Үндэсний инновацийн сангийн захирал, ТУЗ-ийн гишүүн, Эдийн засгийн хөгжлийн сайд зэрэг өндөр албан тушаал хашиж байсан бөгөөд сайдаар ажиллаж байхдаа авлигын хэргээр яллагдаж 10 жил хорих ял сонсож байсан ч хоёр жилд нь шоронд суугаад 2019 онд суллагдсан байна.

Өмнө нь хоёр ч удаа гэрлэж байсан, 4 хүүхэдтэй.

 Харин гурав дахь эхнэр Салтанат Нукеноватай 2022 оны 8 дугаар сард танилцсан байна. 12 насаар дүү эхнэртэйгээ танилцсанаас хойш 4хөн сарын дараа гэрлэж нэг гэрт орж, түүнээс хойг Салтанатыг гэрээс гарч орохыг цагдаж, хамаатан садан найз нөхөдтэйгөө уулзахыг нь хориглож, бие дааж мөнгө төгрөг олдог ажил хийлгэхгүй байнгын хяналтанд байлган хүчирхийлэх болжээ. Салтанат Нукенова, Бишинбаевтай нэг гэрт ороод нэг жил ч болоогүй түүний гарт амь үрэгдэн нас барлаа.
Эдийн засгийн сайд асан хүчирхийлэгч эрд 20 жилийн ял сонсгох магадлалтай байгаа тухай зарим эх сурвалжууд мэдээлж байна. Түүнд зургаан өмгөөлөгч ажиллаж байгаа юм байна.