ХӨВСГӨЛ КАПИТАН баг 21 онооноос эргэн ирж хожил байгууллаа

МСБХ-ны М Хөгжлийн Лигийн эмэгтэй плей-оффын эхний шатанд учраа таарсан Баянгол Мон Пон болон Хөвсгөл Капитан багуудын цувралын харьцаа 1:1 болон тэнцлээ.

Баянгол Мон Пон баг нь улирлыг /10-4/ гэсэн амжилттай хүснэгтийн 2-р байраар плэй-оффт шалгарсан бөгөөд улирлыг /9-5/ гэсэн амжилттай дуусгасан хүснэгтийн 3-р байраар шалгарсан Хөвсгөл Капитан багтай таарч тоглож байгаа юм.

Хоёр багийн цувралын эхний тоглолтын  3-р  үе хүртэл  Хөвсгөл Капитан багийн онооны илүүтэй явж байсан хэдий ч тоглолтын 4-р үед Баянгол Мон Пон баг тэр тусмаа багийн хамгаалан тоглогч М.Анужин оновчтой болгосон довтолгоонууд нь эцсийн мөчид хожил байгуулж цувралыг 1:0 харьцаатай тэргүүлж эхэлсэн.

Эхний тоглолтонд Баянгол Мон Пон багийн хамгаалагч М.Анужин 22 оноо авч багаа оноо авалтаар тэргүүлсэн бол багийн хамтрагчид болох Н.Намуундарь 19 оноо мөн А.Хонгорзул 15 оноо авч хожил байгуулахад  том нөлөө үзүүлсэн юм.

Цувралын 2 дах тоглолт Хөвсгөл Капитан багийн хүссэнээр эхлээгүй бөгөөд эхний үед Баянгол Мон Пон баг 21 оноо илүү дуусгаж тэр эрчээрээ явсаар эхний хагасыг ч онооны илт давуу байдалтай дуусгасан.

Харин тоглолтын 3-р үеэс эхлэн Хөвсгөл Капитан баг онооны зөрүүг бага багаар ойртуулсаар  мөн Хөвсгөл Капитан багийн хамгаалан тоглогч Д.Отгонзаяа дараалсан оноонуудыг  авч 21 оноог барьж  өөрсдөө 10 онооны зөрүүтнй хожил байгуулсан юм.

Тус тоглолтод  Хөвсгөл Капитан багийн хамгаалагч Д.Отгонзаяа 38 оноо авсан нь М Хөгжлийн Лигийн нэг тоглолтонд хамгийн олон оноо авсан эмэгтэй тоглогч болж шинэ амжилтыг тогтоосон бөгөөд сэлгээнээс багийн хамтрагч Ж.Бямбажав 13 оноо 18 самбар авсан нь X-FACTOR болсноор цувралын харьцааг тэнцүүлсэн билээ.