ОНДИЛТ баг бүсийн финалд шалгарахад нэг хожил дутуу байна

 МСБХ-ны М Хөгжлийн Лигийн эрэгтэй плей-оффын эхний шатанд учраа таарсан Ондилт болон Ундарга Knights багуудын цувралын харьцаа 2:0 болсноор Ондилт баг дараагийн шатанд шалгарахад ердөө нэг л хожил үлдлээ.

Ондилт баг улирлыг /11-6/ гэсэн амжилттайгаар дуусгаж баруун бүсийн 2-р байраар шалгарсан бөгөөд улирлыг /9-8/ гэсэн амжилттай дуусган 3-р байраар шалгарсан Ундарга Knights багтай учраа тааран тоглож байгаа юм.

Цувралын эхний тоглолт 4-р үеийн дунд хүртэл ширүүн өрсөлдөөнтэй тэнцүүхэн явагдсан. Харин 4-р үеийн дундаас эхлэн Ондилт багийн довтлогч Б.Тамир багтаа онооны тэргүүллийг авчирсан довтолгоог амжилттай болгож онооны тэргүүллийг авч цувралын эхний хожлоо байгуулсан.

Тус тоглолтод Б.Тамир 23 оноо авч бүх тоглогчдыг оноо авалтаар тэргүүлсэн бөгөөд түүний багийн хамтрагч З.Энх-Учрал 21 оноо 5 самбар авч хожил байгуулахад ихээхэн нөлөөлсөн юм.

Хоёр багийн цувралын хоёр дах тоглолт мөн л адил эн тэнцүү өрнөж 4-р үеийн дундаас эхлэн Ондилт багийн хамгаалагч Н.Шижирбат багтаа чухал онооны тэргүүллийг авчирсан довтолгоонуудыг хийж онооны тэргүүллийг авч цувралын харьцааг 2-0болгосон.

Хоёр багийн цувралын гурав дах тоглолт 12-р сарын 30-нд явагдах бөгөөд тус тоглолтод Ундарга Knights баг заавал хожих ёстой тоглолт бол Ондилт баг хожил байгуулбал бүсийн финалд шалгарах юм.