Дэлхийн тавилгын хөгжлийг Монголд нутагшуулж буй The SPACE Furniture

Дэлхийн тавилгын хөгжлийг Монголд нутагшуулж буй The SPACE Furniture

Монголын тавилгын салбарт дэлхийн дизайн, технологи, чанарын стандартыг нутагшуулан, хэрэглэгчийн амьдралын хэв маягт нийцсэн орон зайн шийдлийг санал болгож буй The SPACE Furniture компани 2015 оноос хойш үйл ажиллагаагаа явуулж байна.

Өнөөдөр хэрэглэгчдийн тавилгад тавих шаардлага зөвхөн өнгө үзэмжээр хязгаарлагдахаа больжээ. Орон зайн зөв төлөвлөлт, материалын чанар, эдэлгээ, эрүүл ахуй, ашиглахад хялбар байдал, технологийн шийдэл зэрэг олон хүчин зүйл тавилгын сонголтод нөлөөлөх болсон. Энэ өөрчлөлттэй уялдан The SPACE Furniture нь дэлхийн тавилгын хөгжлийн чиг хандлагыг Монголын хэрэглээ, амьдралын хэв маягтай хослуулсан шийдлүүдийг хөгжүүлж ирсэн байна.

Дэлхийн дизайн, технологийг Монголын хэрэглээнд

The SPACE Furniture-ийн үйл ажиллагааны нэг онцлог нь дэлхийн тавилгын салбарын хөгжлийг тогтмол судалж, шинэ технологи, дизайн, материалын шийдлийг Монголын зах зээлд нутагшуулахад чиглэдэг явдал юм.

Компанийн мэргэжилтнүүд жил бүр Италийн Salone del Mobile, Германы Interzum, БНХАУ-ын CIFF, АНУ-ын ICFF, БНСУ-ын Korea Build зэрэг дэлхийн томоохон үзэсгэлэн, арга хэмжээнүүдэд оролцож, дизайн болон технологийн шинэ чиг хандлагыг судлан, бүтээгдэхүүн хөгжүүлэлтийн ажилдаа тусгадаг байна.

Ингэснээр хэрэглэгчдэд зөвхөн бэлэн загвар санал болгохоос илүүтэй тухайн орон зай, хэрэглээ, амьдралын хэв маягт тохирсон захиалгат шийдэл боловсруулах боломжийг бүрдүүлдэг байна.

Чанартай тоноглол, материалд анхаардаг

Тавилгын эдэлгээ болон хэрэглээний тав тухад материалын чанараас гадна тоноглол, механизм чухал нөлөөтэй. The SPACE Furniture нь захиалгат тавилгандаа Австрийн BLUM, Германы Hettich, мөн олон улсын зах зээлд танигдсан Unihopper, Higold, DTC зэрэг үйлдвэрлэгчдийн тоноглол, механизмыг ашигладаг.

Энэ нь гал тогооны шүүгээ, хувцасны шкаф зэрэг өдөр тутам олон давтамжаар ашиглагддаг тавилгад хэрэглээний тав тух, найдвартай ажиллагаа, эдэлгээний чанарыг нэмэгдүүлэхэд чиглэдэг.

“Идсэн ч болно” — эрүүл, эко материалын үзэл баримтлал

The SPACE Furniture-ийн онцлох чиглэлүүдийн нэг нь тавилгын материалын эрүүл ахуй, экологийн үзүүлэлтэд анхаардаг явдал юм.

Тус компани дэлхийд өргөн хэрэглэгддэг, формальдегидийн ялгаралтын E0, E1 шаардлагыг хангасан материалуудыг сонгон ашиглаж, хэрэглэгчийн өдөр тутмын амьдралд хамгийн ойр байдаг тавилгын эрүүл ахуй, материалын чанарыг онцолж иржээ.

Монголын зах зээлд эдгээр эрүүл, эко хавтан материалын талаарх ойлголтыг хэрэглэгчдэд илүү ойлгомжтой хүргэх зорилгоор The SPACE Furniture нь “Идсэн ч болно” гэсэн нэршлийг ашиглан, уг хэллэгийг оюуны өмчөөр баталгаажуулан брэндийн коммуникацид нэвтрүүлсэн байна.

Энэ нь тавилгын материалыг зөвхөн өнгө, гадаргуу, дизайнаар нь бус, хүний өдөр тутмын амьдрал, эрүүл орчинтой холбон сонгох хэрэгтэй гэсэн компанийн байр суурийг илэрхийлдэг.

Дизайнаас үйлдвэрлэл хүртэл нэг дор

The SPACE Furniture-ийн бас нэг давуу тал нь дизайн, төлөвлөлтөөс эхлээд үйлдвэрлэл хүртэлх үйл явцыг өөрийн мэргэжлийн баг, үйлдвэрлэлийн системээр гүйцэтгэх боломжтойд оршдог.

Тус компани 1,200 м² талбай бүхий үйлдвэрлэлийн шугамтай бөгөөд өдөрт 5 гал тогоо, 10 хувцасны шкаф болон бусад төрлийн тавилга үйлдвэрлэх хүчин чадалтай.

Энэ үйлдвэрлэлийн чадавх нь захиалгат тавилгын хувьд хэрэглэгчийн хүссэн хэмжээ, зохион байгуулалт, материал, тоноглол, дизайны шийдлийг уялдуулан боловсруулах боломжийг нэмэгдүүлдэг байна.

Мэргэжлийн хүний нөөцөд хөрөнгө оруулдаг

Технологи, тоног төхөөрөмжөөс гадна тавилгын чанарыг тодорхойлох чухал хүчин зүйл нь мэргэжлийн хүний нөөц юм.

The SPACE Furniture нь Техник Технологийн Политехник коллеж, Техник Технологийн Дээд Сургууль болон Хүмүүнлэгийн Ухааны Сургуультай хамтын ажиллагааны хүрээнд ажилтнуудын мэргэжлийн болон хувь хүний хөгжлийг дэмжин ажилладаг.

Мөн ажилтнуудын техникийн ур чадвар, харилцаа, хувь хүний хөгжлийг тасралтгүй сайжруулах зорилгоор долоо хоног бүр сургалт, хөгжлийн үйл ажиллагааг зохион байгуулдаг байна.

Ингэснээр компанийн хувьд үйлдвэрлэлийн хүчин чадлыг нэмэгдүүлэхээс гадна мэргэжлийн ур чадвар, үйлчилгээний чанарыг зэрэг хөгжүүлэх зорилтыг баримталж байна.

Монгол хэрэглэгчийн хэрэгцээнд тохирсон бүхэл бүтэн орон зайн шийдэл

The SPACE Furniture нь гал тогоо, хувцасны шкаф зэрэг тодорхой төрлийн тавилгаар хязгаарлагдахгүй, гэрийн бүхий л орон зайд зориулсан тавилгын шийдлийг санал болгодог.

Үүнд гал тогоо, хувцасны шкаф, унтлагын өрөө, зочны өрөө болон бусад ахуйн орон зайн тавилгууд багтах бөгөөд хэрэглэгчийн орон зайн хэмжээ, хэрэглээ, хүссэн загварт тохируулан захиалгат байдлаар боловсруулах боломжтой.

Компанийн хувьд олон улсын дизайн, технологи, олон төрлийн материал болон тоноглолын сонголт, өөрийн үйлдвэрлэлийн хүчин чадлыг нэгтгэж чаддаг нь Монголын зах зээлд ялгарах гол давуу талуудын нэг юм.

The SPACE Furniture-ийн энэхүү хөгжлийн чиглэл нь “Дэлхийн тавилгын хөгжлийг Монголд” гэсэн уриатай нь шууд холбоотой. Харин урт хугацааны зорилго нь хүслийн орон зайн үр ашиг, үнэ цэнийг нэмэгдүүлсэн, эко, эрүүл орчныг бий болгож, тавилгын ертөнцийн хөгжлийг шинэ түвшинд хүргэхэд чиглэж байна.

2015 оноос хойш үйл ажиллагаагаа явуулж буй The SPACE Furniture нь дэлхийн тавилгын салбарын хөгжлийг Монголын хэрэглэгчийн онцлогтой хослуулж, дизайн, технологи, материал, үйлдвэрлэл болон мэргэжлийн үйлчилгээг нэг дор санал болгох замаар Монголын захиалгат тавилгын салбарын хөгжлийг шинэ түвшинд хүргэхийг зорин ажиллаж байна.