Өнөөдөр сондгой дугаартай автомашинууд хөдөлгөөнд оролцоно

Хичээлийн шинэ жилийн бэлтгэл болон НҮБ-ын Цөлжилттэй тэмцэх конвенцын талуудын 17 дугаар бага хурал /COP17/-тай холбогдуулан нийслэлд автомашины улсын дугаарыг тэгш, сондгойгоор ангилан хөдөлгөөнд оролцуулах зохицуулалтыг хэрэгжүүлж байна.

Уг зохицуулалт наймдугаар сарын 15-наас есдүгээр сарын 12-ныг дуустал 07:00-21:00 цагийн хооронд нийслэлийн төвийн зургаан дүүргийн хэмжээнд, бүс харгалзахгүй үйлчилнэ.

Сондгой дугаартай автомашин дараах өдрүүдэд хөдөлгөөнд оролцоно

Наймдугаар сарын 15, 17, 19, 21, 23, 25, 27, 29, 31, есдүгээр сарын 3, 5, 7, 9, 11-нд сондгой тоогоор төгссөн улсын дугаартай автомашин замын хөдөлгөөнд оролцоно.

Тэгш дугаартай автомашин дараах өдрүүдэд хөдөлгөөнд оролцоно

Наймдугаар сарын 16, 18, 20, 22, 24, 26, 28, 30, есдүгээр сарын 2, 4, 6, 8, 10, 12-нд тэгш тоогоор төгссөн улсын дугаартай автомашин хөдөлгөөнд оролцоно.

Зохицуулалтад хамаарахгүй тээврийн хэрэгсэл

Тэгш, сондгой дугаараар хөдөлгөөнд оролцуулах зохицуулалтад дараах тээврийн хэрэгслүүд хамаарахгүй. Үүнд:

• Цахилгаан тэжээлтэй, ногоон улсын дугаартай тээврийн хэрэгсэл;
• Зөвшөөрөл, шаардлагатай тоноглол бүхий хүнсний бүтээгдэхүүний түгээлт, татан авалтын тээврийн хэрэгсэл;
• Оршуулгын үйл ажиллагаанд ашиглаж буй тээврийн хэрэгсэл;
• Авто зам, хот тохижилт, шугам сүлжээний засвар, үйлчилгээний тээврийн хэрэгсэл;
• Дипломат байгууллага болон гадаадын зочин, төлөөлөгчдөд үйлчлэх тээврийн хэрэгсэл;
• Нийтийн тээврийн хэрэгсэл;
• Стандартын шаардлага хангасан такси;
• Сургууль, цэцэрлэг болон байгууллагын ажилчдын тээвэр;
• Таних тэмдэг бүхий хэвлэл мэдээллийн байгууллагын тээврийн хэрэгсэл.

Иймд жолооч нар тухайн өдрийн автомашины улсын дугаарын зохицуулалтыг урьдчилан шалгаж, замын хөдөлгөөнд оролцохыг анхааруулж байна.