ЦАГ АГААР: 16-19-нд нутгийн зарим газраар аадар бороо орно

Цаг уурын байгууллагаас мэдээлснээр наймдугаар сарын 16-20-ны өдрүүдэд төвийн нутгийн зарим газраар бороо, дуу цахилгаантай аадар бороо орно.

Наймдугаар сарын 16-нд баруун болон төвийн аймгуудын нутгийн зарим газраар бороо орно.

17-нд баруун аймгуудын нутгийн зарим газар, төвийн аймгуудын ихэнх нутаг, говь болон зүүн аймгуудын нутгийн баруун хэсгээр бороо, аадар бороо орж, төвийн аймгуудын нутгаар бага зэрэг сэрүүснэ.

18-нд баруун аймгуудын нутгийн хойд хэсэг, говийн аймгуудын нутгийн зүүн хэсэг, төв болон зүүн аймгуудын нутгийн зарим газраар бороо, дуу цахилгаантай аадар бороо орно.

19-нд төвийн аймгуудын нутгийн зарим газар, говийн аймгуудын нутгийн хойд хэсгээр бороо орно.

Энэ хугацаанд салхи ихэнх нутгаар секундэд 5-10 метр, бороо орохын өмнө зарим газраар түр зуур ширүүсэх төлөвтэй байна.

Хүйтрэх, халалтын төлөв

Шөнөдөө Хангай, Хөвсгөл, Хэнтийн уулархаг нутаг, Завхан, Заг, Байдраг голын эх, Хүрэнбэлчир орчим болон Идэр, Тэс, Туул, Тэрэлж голын хөндийгөөр +4...+9 градус, Их нууруудын хотгор болон говийн бүс нутгийн өмнөд хэсгээр +16...+21 градус, бусад нутгаар +10...+15 градус дулаан байна.

Өдөртөө Хангай, Хөвсгөл, Хэнтийн уулархаг нутаг болон Эг, Үүр, Туул, Тэрэлж голын хөндийгөөр +19...+24 градус, Их нууруудын хотгор, говийн бүс нутгийн өмнөд хэсгээр +29...+34 градус, бусад нутгаар +24...+29 градус дулаан байна.

Иймд аадар бороо, түр зуурын хүчтэй салхи зэрэг цаг агаарын эрсдэлтэй үзэгдлийн үед сонор сэрэмжтэй байхыг анхааруулж байна.