ТӨВ АЙМАГ: Улсын төсвийн 5.4 тэрбумын хөрөнгө оруулалтаар шинэ сургууль ашиглалтад орлоо

Төв аймгийн Борнуур сумын ерөнхий боловсролын сургуулийн шинэ барилгыг улсын төсвийн 5.4 тэрбум төгрөгийн хөрөнгө оруулалтаар барьж, ашиглалтад хүлээн авлаа.

320 хүүхдийн хүчин чадалтай тус сургууль нь гурван давхар, хичээлийн хоёр байртай бөгөөд гадна тохижилт, явган зам, гадна гэрэлтүүлэг, авто зогсоол, сандал, сүүдрэвч, спорт талбай, цахилгаан хангамж, инженерийн шугам сүлжээг цогцоор нь шийджээ.

Барилгын зураг төслийг Боловсролын яам болон аймгийн Барилга захиалагч орон сууцны корпорацийн захиалгаар “ТГТ” ХХК боловсруулж, “Өгөөмөр уул” ХХК гүйцэтгэгчээр ажилласан байна.

Борнуур сумын ЕБС нь ирэх хичээлийн жилд 53 багш, 934 сурагч, 31 бүлэгтэйгээр үйл ажиллагаагаа явуулна.

Ийнхүү сургалтын орчин, хүүхдийн аюулгүй байдал, тав тухыг хангах шинэ сургуулийн барилга ашиглалтад орж байна.