Хохирогч: Дөрвөн жил хөөцөлдөөд ч хэргээ шийдүүлж чадсангүй

Монголын сайтын холбооноос санаачлан зохион байгуулсан  “ХОРИГДСОН ЭРХ ЧӨЛӨӨ” хэлэлцүүлэг боллоо. Хэлэлцүүлэгт "Хохирогч иргэд"-ийн төлөөлөл оролцсон юм.

Хэлэлцүүлгийн үеэр  хохирогч иргэн:

"Манай "Төгс тулгуур" гээд компани 4 жил хууль шүүхийн байгууллагаар яваад хэргээ шийдүүлж чадахгүй, цаг хугацаа, эд хөрөнгөөрөө бүрэн хохироод байна. Газрын залилах гэмт хэрэгтэй тэмцэх хэлтсээс шинжээч томилоод ажиллуулахад 5,9 тэрбум төгрөгийн ажил хийж гүйцэтгэсэн байна. 4,4 тэрбум төгрөгийн хохирлыг учруулсан байна гэж шинжээч дүгнэчхээд байхад СБД-ийн прокурор Булганчимэг гэж хүн бий. Тэр хүн хаачихдаг. Хаахаар нь заргалдаад буцаагаад сэргээнэ. Буцаагаад сэргээж яваад мөрдөн байцаах газраас гурван удаа яллагдагчаар татаж энэ хэргийг одоо таслан сэргийлэх арга хэмжээг өөрчлөөд хятадын иргэн дээр ингэе гэхээр СБД-ийн прокурор дээрээ хаагаад дараа нь Нийслэлийн прокурор дээрээ хаагаад, ингээд хамгийн сүүлд улсын прокурор дээрээ хаагдчихсан. Ингээд 4 жилийн хугацаанд 10 гаруй ААН, иргэд мөнгөө авч чадахгүй хохирчихсон байна" гэв.