Хуульч Ч.Өнөржаргал: Шүүх, прокурорын байгууллагаас гарч буй шийдвэр нь хууль зүйн үндэслэлгүй учраас хохирогчид гомдоод байна

Монголын сайтын холбооноос санаачлан зохион байгуулж буй “ХОРИГДСОН ЭРХ ЧӨЛӨӨ” хэлэлцүүлэг өнөөдөр /2023.12.15/ болж байна.

Энэхүү хэлэлцүүлгийн гол зорилго нь Монгол Улс дахь хэвлэлийн эрх, эрх чөлөө, хуулийн байгууллагуудаас хараат байдал, хэрэг бүртгэх, мөрдөн байцаах ажиллагааны явцад хүний эрх, эрх чөлөө хэрхэн зөрчигдөж байгаа талаар хэлэлцэж буй. 

Энэ үеэр хуульч Ч.Өнөржаргал: "Монгол Улсын иргэн аливаа гэмт хэрэгт холбогдож, шалгагдахдаа Эрүүгийн хэрэг хянан шийдвэрлэх ажиллагаанд заасан нөхцөл, журмын дагуу явагдах ёстой. Гэтэл зохион байгуулалттайгаар ер нь бол тухайн үеийн нөхцөл байдлыг анзаарч харахад, "технологи" гэдэг зүйл анзаарагдаж байна. Тэгэхээр  яагаад гомдоод байна вэ гэхээр төрийн байгууллага, шүүх, прокурорын байгууллагаас тухай тухайн шатандаа гарч байгаа шийдвэрүүд нь хууль зүйн үндэслэл бүхий байх гэсэн шаардлагыг хангахгүй байгаа учраас л энэ хүмүүс хуулийн байгууллагууддаа гомдоод байна. Улмаар хуулийн байгууллагуудын нэр хүнд унаад байна. Одоо хууль тогтоох байгууллагуудад нэг ч хуульчийн лицензтэй хүн байхгүй гэдгийг хэлэхэд харамсалтай" гэлээ.