Монголын “Оршуулгын үйлчилгээний ажилчдын III чуулган” 11 дугээр сарын 04-ний өдөр болно

Олон Улсын буяны салбарын ажилтны өдөр, Монголын “Оршуулгын үйлчилгээний ажилчдын III чуулган”  11 дугээр сарын 04-ний өдөр болно.

 Олон  Улсын оршуулгын холбоо /FIAT IFTA/-ooc жил бүрийн 11-р сарын 3-ны өдрийг оршуулгын ажилчдын өдөр болгон тэмдэглэн өнгөрүүлж байхаар анх 2021 онд зарласан. Учир нь дэлхий нийтээр тархсан Ковид-19 цар тахлын улмаас сая сая хүн харамсалтайгаар амиа алдсныг бид үл мартана.
Дэлхий нийтийг хамарсан Ковид-19 цар тахлын цаг үед улс орнуудын оршуулгын үйлчилгээ эрхэлдэг байгууллагын ажилчид, эмч, сувилагчдын нэгэн адил хүнд хэцүү цаг үеийг даван туулж байсан учир оршуулгын чиглэлээр үйл ажиллагаа эрхэлдэг байгууллагын ажилчдад урам зориг, сэтгэлийн дэм өгөх зорилгоор тусгайлан тэмдэглэн өнгөрүүлэх өдрийг бий болгохоор “Олон Улсын оршуулгын холбоо”-оос шийдвэрлэсэн юм.
Монголын оршуулгын үйлчилгээ эрхлэгчдийг нэгтгэсэн "Буяны зан үйлийн холбоо" нь Олон Улсын оршуулгын холбооны гишүүн байгууллага бөгөөд энэхүү өдрийг Монгол Улсад гуравдахь жилдээ тэмдэглэн өнгөрүүлэх гэж байна.
Тус өдрийг угтаж “Оршуулгын үйлчилгээний ажилчдын нэгдсэн 3-р чуулган"-ыг ирэх 11 дүгээр сарын 04-ний өдөр зохион байгуулахаар төлөвлөөд байна.
 
Энэ удаагийн 3-р чуулга уулзалтаар оршуулгын үйлчилгээний чиглэлээр мэргэшиж, ёс уламжлалаа шинэ цаг үеийн хөгжил дэвшилтэй уялдуулан хөгжиж, хөгжүүлж яваа 10 гаруй байгууллагын 300 гаруй ажилчид цуглаж, хийж хэрэгжүүлсэн ажил, сайн туршлагаа хуваалцаж, салбартаа манлайлсан шилдэг байгууллага, ажилчдаа тодруулан урамшуулах юм.
Тэрчлэн өнөөдөр дэлхий нийтээр байгаль орчны бохирдол, доройтол энэ тэргүүний асуудал болж байгаа энэ үед бид оршуулгын зан үйлийг өнөө цагийн хурдацтай тэлж байгаа хотжилт, нийгмийн хөгжилтэй уялдуулах зайлшгүй шаардлага бидний өмнө тулгараад байна.