​"Улаанбаатар загвар нэгдсэн үндэстний байгууллага-2023" амжилттай боллоо

Ахлах ангийн сурагчдад Олон улсын байгууллага, Нэгдсэн үндэстний байгууллагын үйл ажиллагааг танилцуулах зорилгоор “Улаанбаатар Загвар НҮБ-2023” хуралдааныг зохион байгууллаа. Нийслэлээр зогсохгүй орон нутгаас нийт 180 сурагчдын бүрэлдэхүүнтэйгээр зохион байгуулагдсан тус хурлын сонгон шалгаруулалт нь 8 сард эхэлж 10 дугаар сарын 21, 22-ны өдрүүдэд бүтэн англи хэл дээр явагдсан.

• НҮБ-ын Аюулгүйн зөвлөл
• НҮБ-ын Эдийн засаг нийгмийн зөвлөл
• НҮБ-ын Хүний эрхийн комисс
• Дэлхийн эрүүл мэндийн байгууллага
• Олон улсын дээд шүүх
• Зэвсгийн хяналт, Олон улсын аюулгүй байдлын зөвлөл
гэсэн 6 хороонд оролцогчид хуваагдаж, хэлэлцээр хийсэн.
Тус хуралдааны нээлтийн үйл ажиллагаанд НҮБ-ын Залуучуудын Зөвлөх хорооны төлөөлөл ирж, хэлэлцүүлэг хийсэн бөгөөд, оролцогч 180 сурагчдын дундаас гарсан үр дүнг НҮБ-ын Хүн амын санд өргөн барилаа.
Хуралдааны хаалтын арга хэмжээнд Нийслэлийн гэр бүл, хүүхэд, залуучуудын хөгжлийн газрын дарга Ө.Ган-Өлзий хаалтын үгийг хэлсэн бол, Монгол улсын Гадаад харилцааны яамны Олон талт харилцааны газрын захирал Б.Мандхай хүрэлцэн ирж, үг хэлээд зогсохгүй, Монгол улсын Гадаад харилцааны сайд Б.Батцэцэг-ийн үгийг уламжилсан юм.