ИНЕГ-ЫН МЭРГЭЖИЛТЭН АМИА АЛДЖЭЭ

Өнгөрсөн долоо хоногт ИНЕГ-ын мэргэжилтнүүдийн нэг амиа алдсан харамсалтай хэрэг гарчээ. Тодруулбал, Иргэний нисэхийн ерөнхий газрын Худалдан авах ажиллагааны хэлтсийн ахлах мэргэжилтэн Х, мэргэжилтэн Б нар согтууруулах ундаа хэрэглэсэн үедээ бусадтай маргалдаж, зодолдсон байна. Үүний улмаас ИНЕГ-ын ахлах мэргэжилтэн Х нь хүнд гэмтэл авч, эмнэлэгт хүргэгдэн нас баржээ. Уг хэрэг ажлын бус цагаар, шөнийн цэнгээний газарт гарсан талаар эх сурвалж мэдээлэв.

Хэдхэн сарын өмнө ИНЕГ-ын удирдах албан тушаалтнууд буюу тус газрын Дотоод аудитын албаны дарга Н.Мөнхсүрэн, Агаарын навигацийн бодлого зохицуулалтын хэлтсийн дарга Ё.Эрдэнэбат нар Сүхбаатар дүүргийн I хорооны нутаг дэвсгэрт үйл ажиллагаа явуулдаг "Жуулчин" төвийн караокед үйлчлүүлж байгаад бармен залууг зодож, танхайрсан байдаг.

Тэд тус байгууллагын дотоод журмыг зөрчин, тамхи татаж байсан тул бармен О.Т шаардлага тавьжээ. Гэтэл тэд "Бидэн шиг хүмүүст шаардлага тавьдаг чи муу хэн бэ? Тэр дарга, захирлаа дууд. Ах нарт чинь арга хэмжээ авдаг хоншоортой цагдаа Монголд байхгүй" гэх зэргээр агсарч, О.Т-г бүлэглэн зодсон мэдээлэл гарч байв.