УБЕГ-аас нам, эвсэл болон ТББ-тай уулзалт зохион байгууллаа

Улсын бүртгэлийн ерөнхий газраас нам, эвсэл болон төрийн бус байгууллагатай уулзалт зохион байгууллаа.

Монгол Улсын Их Хурлын сонгуулийн тухай хуулийн 20 дугаар зүйлийн 20.21 дэх хэсэгт “Энэ хуульд заасан журмын дагуу Сонгуулийн ерөнхий хороонд бүртгүүлсэн нам, эвсэл, бие даан нэр дэвшигч, төрийн бус байгууллагын төлөөлөл сонгогчдын нэрийн жагсаалт үйлдэх ажиллагаатай танилцаж болно” гэж заасны дагуу Улсын бүртгэлийн ерөнхий газраас өнөөдөр буюу 2024 оны зургаугаар сарын 05-ны өдөр нам, эвсэл болон төрийн бус байгууллагын төлөөллийг хүлээн авч, уулзалт зохион байгуулж, сонгогчдын нэрийн жагсаалт үйлдэх ажиллагаатай танилцууллаа.