ТАНИЛЦ: Ирэх Даваа гаригт халуун ус хязгаарлах байршлууд

2023-2024 оны халаалтын улирал тавдугаар сарын 15-ны өдөр дууссан. Үүнтэй холбогдуулан айл өрх, ААН, байгууллагын халаалтыг зогсоож ирэх оны халаалтын улирлыг саадгүй давах, өвөлжилтийн бэлтгэл ажлыг эхлүүлсэн.
 
Нийт найман багц засварын ажил төлөвлөснөөс /төсөл хөтөлбөрөөс бусад/ эхний хэсгүүдийн засварын ажлууд үргэлжилж байна. Иймд зарим хороолол, хотхоныг хэрэглээний халуун усыг түр хугацаагаар хязгаарлаж байгаа.
 
Ирэх Даваа гарагаас буюу зургаадугаар сарын 10-наас зургаадугаар сарын 24-нийг хүртэл 14 хоног халуун ус хязгаарлах байршлууд:

• БӨҮР, Говь-2 ХК орчим,
• Вива сити, Шинэ яармаг хорооллууд, ХУД-ын нэгдсэн эмнэлэг, Нийслэлийн шинэ төв Хангарьд орчмын хэрэглэгчид, 
• "Говь" ХК, "Натур агро" ХХК, Вокзал, Богд ар хороолол, 2-р хороолол орчим,
• Төв цэнгэлдэх, Хүннү, Рапид хороолол, 120 мянгат, Туулын хөвөө, Зайсан орчмын орон сууцны хороолол,
• ХУД-ын нэгдсэн эмнэлэг, Арьс ширний үйлдвэрийн район, 19-р хороолол орчмын хэрэглэгчид.