Нийгмийн төлөөллийг бататгах "Кандидат" улс төрийн төсөл эхэллээ

Энэ жилийн зун, намар улсын их хурлын болон орон нутгийн сонгуулиуд зохион байгуулагдах билээ. Иргэд олон нийт улс төрийн нам хүчнүүдээс шинэ залуу, ёс зүйн шалгуур давах нэр дэвшигчдийг тэдэн рүү илгээнэ гэсэн хүлээлттэй байгааг нийгмийн сүлжээний хэлэлцүүлгүүд болон нийгмийн судалгаанууд харуулж байна.

Тэгвэл энэ хариуцлагатай цаг мөчид Монгол ТВ-ийн редакц нэгэн шинэ медиа төсөл эхлүүлэхээр бэлтгэл ажилдаа ороод байгаа аж. "КАНДИДАТ" гэж нэрлэсэн улс төрийн реалити шоуны зорилгоо тэд олон нийт дундаас нийгмийн бодит төлөөлөл болж чадах залуучуудыг таниулах, улс төрийн нэр дэвшүүлэх процессыг ил тод, шударга болгох гэж тодорхойлж байгаа гэлээ.

Олон арван оролцогчид дундаас нийгэмдээ хүлээн зөвшөөрөгдөн бусдыгаа манлайлсан шинэ залуу улс төрч 500.000.000 төгрөгийн шагналын эзэн болох боломжтой тус нэвтрүүлгийн бүртгэл яг одоо нээлттэй байгаа бөгөөд 4-р сарын 10-нд нэвтрүүлэгт оролцогчдын бүртгэл хаах юм байна.

Залуучуудын улс төрийн оролцоо, нийгмийнхээ шийдвэр гаргах түвшинд манлайлах боломжийг олгох тус нэвтрүүлэгт та дараах хаягаар орж бүртгүүлээрэй.

www.mongoltv.mn/candidate хаягаар орж бүртгүүлээрэй.

Бүртгэл: 2024 оны 03 сарын 25-аас 4-р сарын 10 хүртэл үргэлжилнэ.