Кабель утас үйлдвэрлэдэг, жамц давс зөөдөг компаниуд эрүүл мэндийн салбарын цахимжилтыг гацаажээ

Загас толгойноосоо эхэлж мууддаг гэдэг шиг Эрүүл мэндийн салбар дээгүүрээ ялзарчээ. Монгол улсын Засгийн газраас Дэлхийн банкны 19.5 сая ам.долларын санхүүжилт авч Эрүүл мэндийн салбарыг цахимжуулах ажлыг 2016 онд эхлүүлсэн байдаг. Ингэхдээ БНСУ-ын кабель утас үйлдвэрлэдэг Taihan Cable & Solution, Монголоос жамц давс зөөдөг Японы Arima Japan компанийг тендерт шалгаруулсан. Тендерт шалгарсан компаниудын цаана Эрүүл мэндийн салбарын удирдлагуудын ах, дүү хамаатан садан, хамсаатнууд бий гэх эх сурвалжийн мэдээлэл байгаа юм. Төслийн санхүүжилтээс одоогийн байдлаар 10 сая ам.доллар нь салхинд хийсчихээд байна. Дэлхийн банкнаас цахим эрүүл мэнд төслийг амжилтгүй хэрэгжсэн гэж үзээд төслийг хэрэгжүүлэхэд зарцуулсан тодорхой мөнгөн дүнг МУ-ын Засгийн газраас нэхэмжлээд байгаа юм. Салхинд хийссэн 10 сая ам.доллар хаана хэний халаасанд орсон талаар бид цуврал болгон мэдээллэх болно.