ХӨСҮТ-ийн захирал Ц.Билэгсайхан: Омикроныг эрсдэл багатай давахын тулд вакцины IV тунг эхлүүлж байна

ХӨСҮТ-ийн Ерөнхий захирал Ц.Билэгсайхан өнөөдөр ЭМЯ-ны мэдээллийн цагт оролцож цаг үеийн зарим асуудлаар мэдээлэл өглөө. 

Тэрбээр "Эрдэмтдийн зөвлөл ХӨСҮТ хамтран судалгаа хийсээр байна. Вакцины дархлаа тогтоцын судалгаа гарсан. Вакцины 2 тун Астразенека хийлгэсэн хүмүүст 4-5 сарын дараа эсрэг биеийн титр 30 болж буурсан байсан бол Файзераар бүүстер тун хийхэд 570 болж нэмэгдсэн. Бүүстер тунгаас 4 сарын дараа 70 гаруй болж буурсан байна. 2 тун Вероцелл хийлгэсэн хүмүүсийн цусан дахь эсрэг биеийн титр 5 сарын дараа 30 болж буурсан бол Файзераар бүүстер тун хийхэд 340 болж нэмэгдсэн. Харин бүүстер тунгаас хойш 4-5 сарын дараа 110 болж буурсан байна. Энэ нь вакцин тодорхой хугацааны дараа үйлчлэл буурч байгааг харуулж байгаа тул бид олон улсын жишгээр Омикроныг эрсдэл багатай давахын тулд IV тунг эхлүүлж байна" гэлээ.