Америкийн их дээд сургуулиудын 90 хувь нь SAT шалгалт авалгүйгээр оюутан элсүүлж байхаар болжээ

Америкийн их дээд сургуулиуд  туршид корона вирусийн тархалтыг хязгаарлахын тулд олон хүн цуглардаг SAT шалгалт авдаг 100 гаруй төвийг хаасан байна. Улмаар он гарсаар Америкийн их дээд сургуулиудын 90 хувь нь SAT шалгалт авалгүйгээр оюутан элсүүлж байхаар болсноо мэдэгджээ.

 Өнгөрсөн жил АНУ-д SAT шалгалт өгсөн оюутны тоо 32 хувиар буурч 1,5 сая болсон, ACT шалгалт өгөгчийн тоо 22 хувиар буурч 1,3 сая болсон. Гэсэн хэдий ч Америкийн их дээд сургуулиудад элсэхийг хүсэгчдийн тоо буураагүй харин ч өссөн байна. Гэхдээ шалгалтын шалгуурыг давж элсэгчийн тоо унасан байна. Жишээлбэл, Харвардын их сургууль 57 мянга 435 горилогчдоос ердөө 1968-ыг нь элсүүлжээ. Энэ бол нийт горилогчдын ердөө 3,4 хувь нь л элсэж чадсан гэсэн үг юм. Гэтэл 2017 онд горилогчдын 5,2 хувийг, 2018 онд 4,5 хувийг тус тус элсүүлж байжээ.

 Иймд Харвардын их сургууль гэхэд энэ сарын 17-нд мэдэгдэл хийж элсэгчдээс SAT ба ACT шалгалтын үр дүнг шаардахгүй болсноо мэдэгдсэн байна. Калифорнийн их сургууль бол бүр шийдэмгий алхам хийж SAT ба ACT шалгалтаас бүрмөсөн татгалзсан байна. Харин Колубын их сургууль, Стэнфордын их сургууль, Корнэлийн их сургуулиуд нь оюутнуудад SAT ба ACT шалгалт өгөх эсэхээ өөрсдөө сонгох боломж олгосон байна.

 Тодруулга

SAT шалгалт нь бакалаврын зэрэг горилон их сургуульд элсэхийн өмнө горилогчийн мэдлэгийн хэмжээг үнэлдэг. SAT шалгалтыг горилогч нь жилдээ ганц бус харин хэд хэдэн удаа өгөх боломжтой байдаг онцлогтой. SAT нь унших чадвар, бичих чадвар ба математик гэсэн нэг хэсэг мөн өөрийн сонголтоор эссе бичих гэсэн өөр нэг хэсэг гээд нийт хоёр хэсгээс бүрддэг. Тестийн заавал өгөх ёстой хэсгүүдийг 200-800 оноогоо үнэлдэг бол эссе бичлэгийг 2-8 оноогоор үнэлдэг. Шалгалт өгөх хугацаа нь ойролцоогоор 4 цаг. Шалгалт нь төлбөртэй бөгөөд АНУ-д 55 доллар байдаг.