Улсын Их Хурлыг ёс зүй, сахилга хариуцлагын байнгын хороо Хэнтий аймагт ажиллалаа

Улсын Их Хурлын Ёс зүй, сахилга хариуцлагын байнгын хороо, Төрийн албаны зөвлөл болон НҮБ-ын Хөгжлийн хөтөлбөрөөс хамтран зохион байгуулсан төрийн албан хаагчийн ёс зүй сахилга, хариуцлагын бодлого, эрх зүйн орчин, онол практик, арга зүйн асуудлыг төрийн албаны шинэтгэлийн үйл явцтай уялдуулах сургалт, хэлэлцүүлэг Хэнтий аймгийн Чингис хотод 2021 оны 12 дугаар сарын 18-нд боллоо.

Сургалт, хэлэлцүүлэгт Улсын Их Хурлын Ёс зүй, сахилга хариуцлагын байнгын хорооны дарга Б.Бат-Эрдэнэ, Улсын Их Хурлын гишүүн Т.Энхтүвшин, Ц.Мөнхцэцэг, Төрийн албаны зөвлөлийн дарга Б.Баатарзориг, Хэнтий аймгийн Засаг дарга Ц.Чогсомжав, аймгийн иргэдийн Төлөөлөгчдийн Хурлын дарга Г.Хэрлэнчулуун болон холбогдох албаны хүмүүс оролцлоо.

Сургалтад Хэнтий аймгийн Засаг даргын дэргэдэх 24 агентлагийн дарга болон хүний нөөцийн мэргэжилтнүүд танхимаар, сумдын ЗДТГ-ын удирдлага, орон нутгийн төсөвт байгууллагын дарга, эрхлэгч, захирлууд цахимаар оролцож, төрийн 200 гаруй албан хаагчдын дунд хэлэлцүүлэг явуулсан байна.