Гадаадад суралцдаг, ажиллаж, амьдардаг эх орондоо ирсэн иргэд гадаад руу буцах хүсэлтээ гаргаад эхэлжээ

Гадны улс орноос нутаг буцах хүсэлтэй иргэдээ татан авах ажиллагааны талаар цаг үеийн мэдээллийг ГХЯ-ны консулын газрын захирал Л.Мөнхтүшиг хийлээ

Тэрбээр “Өнгөрсөн хугацаанд Монгол улсын Засгийн газар, Улсын онцгой комиссын шийдвэрийн дагуу гадны 53 улсаас 18392 иргэнийг авчирсан. Энэ сарын тусгай нислэгүүд өмнөх саруудтай харьцуулахад давтамж чиглэл нь нэмэгдсэн

Мөн энэ сард хийх үлдсэн нислэгүүд бий. Тодруулбал, Австрали, АНУ, Казахстан улсын чиглэлд нислэг хийх юм. Ийнхүү энэ сард 17 нислэг үйлдсэний дараа агаарын замаар 4200 гаруй иргэнээ татах юм. Анх нэг сарын хугацаанд 1400-1500 иргэдээ гадны улс орнуудаас татан авчирдаг байсан бол энэ тоо өсөн нэмэгдэж байгааг харуулж байна” гэсэн юм.

Одоогоор эх орондоо буцах хүсэлт гаргасан 12461 байгаа аж. Мөн хичээлийн шинэ жил эхэлж байгаатай холбоотойгоор гадны улс оронд сурдаг оюутан залуусын зүгээс гадны улс орон руу зорчих хүсэлтээ гаргаад эхэлжээ.