Чингис хаан банкинд 200 мянган төгрөг ч алга гэв үү?

Аудитын ерөнхий газрын орлогч дарга О.Тэнгис арилжааны хоёр банк эрсдэлд орсныг мэдэгдсэн. Харин Монголбанк болон Монголын банкны холбоо үүнийг үгүйсгэж мэдэгдэл гаргасан. Гэтэл өнөөдөр Чингисхаан банкны харилцагчид мэдээлэл хийж тус банкны үйл ажиллагаа доголдож, харилцагч иргэн ААН-үүдээ хохироож байгааг хэллээ. Одоогоор Чингисхаан банкны ганцхан салбар үйл ажиллагаа явуулж бусад салбарууд нь хаагдсан аж. Улмаар банкны удирдлагуудыг нь АТГ-т шалгуулахаар өгч байгаагаа мэдэгдлээ.

Энэ талаар иргэн Б.Отгонбаяр хэлэхдээ “Чингис хаан банканд 200 мянган төгрөг ч алга. Мөнгөө авах гэхээр нэрээ бичүүл гэдэг. Монгол банк, банкнуудын холбоо энэ банкны үйл ажиллагааг хэвийн байгаа гээд мэдэгдэл хэд хэдэн удаа хийлээ. Одоо 24 цагийн дотор Монгол банкны ерөнхийлөгч бид нарыг хүлээн авч уулзахыг шаардаж байна. Үгүй гэвэл засгийн газар, УИХ-д Монгол банкны ерөнхийлөгчийг огцруулах санал гаргана” гэлээ