Цагдаа нар хүний аминд хүрчихээд “бааштай п**** вэ гэж үл тоомсорлож байсан уу?

Өнгөрөгч оны 9 дүгээр сарын 23-нд Төв аймгийн Угтаалцайдам сумын нутаг дэвсгэрт цагдаагийн хоёр албан хаагч албан үүргээ гүйцэтгэж явах үедээ 61 настай иргэн Г-ын амь насыг хохироосон хэрэгт буруутгагдаад байгаа билээ. 

Мөрдөн байцаалтын явцад цагдаагийн алба хаагч У,Ө нар хуульд заасан үндэслэлгүйгээр биеийн хүч хэрэглэсэн учраас талийгаачийн зүрхний архаг цус хомсрох өвчинг сэдрээсэн нь тогтоогджээ. Үүнээс гадна гэрчийн мэдүүлэгт талийгаачийн архаг өвчин сэдэрч амьсгалж чадахгүй, ухаан алдах үед нь тухайн цагдаагийн алба хаагчид *Ямар бааштай п*** вэ гэж үл тоомсорлосныг ч дурьдсан байна. Уг хэргийг аймгийн прокурорын зүгээс хүний амь насыг болгоомжгүйгээр хөнөөсөн гэж үзэн яллах дүгнэлт үйлдээд байгаа юм.