Тусгаарлагдсан иргэд гаднаас архи оруулж, согтуурчээ

Өнөөдөр Улсын онцгой комиссын шуурхай штабаас мэдээлэл өглөө. 

Энэ сарын   7-10-ны хооронд Алтанбулаг боомтоор иргэдээ татан авах ажлыг зохион байгуулна. Мөн 10, 11-нд БНХАУ-аас Замын-Үүд боомтоор иргэдээ татан авах ажлыг зохион байгуулахаар болсон байна. 

Мөн тусгаарлалтад байгаа иргэд халдвар хамгааллын онцгой дэглэмийг зөрчиж, архидан согтуурах, гаднаас эд бараа оруулах, тусгай бүсээс эд зүйл өгч гаргах гэж оролдох зэрэг үйлдлүүд гаргаж байгааг шуурхай штабаас мэдээллээ. 

Иргэд дор бүрнээ хариуцлагатай байж, халдвар хамгааллын дэглэмийг зөрчихгүй байхыг Шуурхай штабаас сануулж байна.