Генерал Д.Гэрэлийн нэхэмжлэлтэй, сэтгүүлч Н.Өнөрцэцэг хариуцагчаар дуудагдсан шүүх хурал хойшиллоо

ТЕГ-ын дарга, Генерал Д.Гэрэлийн нэхэмжлэлтэй, Зариг.мн-ийн сэтгүүлч Н.Өнөрцэцэгийг хариуцагчаар дуудагдсан шүүх хурал өглөө 09 цагт СБД-ийн шүүхэд эхэлсэн. Д.Гэрэлийн итгэмжлэгдсэн төлөөлөгч ар гэрийн гачигдал гарсан, мөн иргэдийн төлөөлөгч ирээгүй тул 10-р сарын 6-н хүртэл шүүх хурал хойшлогдсон байна. 

ТЕГ-ын дарга, Генерал Д.Гэрэлийн хүү Г.Аранзалын нэр дээр бүртгэлтэй байдаг, Сэлэнгэ аймгийн Баянгол сумын Нарангийн голын хөвөөнд байх Пентатерра уурхайн талаарх нэвтрүүлгийг зариг.мн сайтын сэтгүүлч Н.Өнөрцэцэг бэлтгэн хүргэсэн. Уг нэвтрүүлгийн мөрөөр Генерал Д.Гэрэл хуулийн байгууллагуудад гомдол гаргаж, өнгөрсөн хугацаанд сэтгүүлчтэй заргалдан, шалгаж байгаа билээ. Тэгвэл тавдугаар сарын 13-ны өдөр болсон Сүхбаатар дүүргийн Иргэний хэргийн шүүхээс “тухайн уурхайд үзлэг хийх” шийдвэр гарсан байдаг. Өөрөөр хэлбэл, сэтгүүлч Н.Өнөрцэцэг “Пентатерра уурхайд үзлэг хийлгэх хүсэлт гаргасан”-ыг СБД-ийн Иргэний хэргийн анхан шатны шүүх бүрэлдэхүүн харгалзан үзэж, шийдвэрлэсэн юм.