Чех улсаас ирсэн монгол оюутныг МУ-ын хилээр нэвтрүүлэхгүй хэвээр байна

Чех улсад сурдаг оюутан ОХУ-аар дамжин улсын хил дээр ирээд байгаа ч хилээр нэвтрүүлэхгүй байгаа талаар фэйсбүүк хуудсаараа дамжуулан шууд бичлэг хийж мэдээлсэн юм.

Тэрээр шууд лайв хийх үеэрээ, “Чехд сурч байгаад машинаар дайгдаад ирсэн Монгол иргэн байна аа. Орос хил нь зөвшөөрөөд гаргачихсан байхад Монгол Улсын хил нь “оруулахгүй буц” гээд байх юм. Монгол иргэн Монголдоо орж болохгүй юм уу. Би Чехээс ирэхдээ асуусан, зөвшөөрөл авах хүсэлт тавьсан. Тэгэхэд Чехэд суугаа Монгол Улсын Элчин сайд “Зөвшөөрөл авах шаардлагагүй. Бичиг баримтаа үзүүлээд л хилээр нэвтэрнэ” гэсэн. Тэгтэл 25 өдрийн турш газраар яваад ирж байхад намайг ингэнэ гэж ёстой бодсонгүй. УОК намайг Чехээс зөвшөөрөл аваагүй учир буцаад яв, бидэнд чиний асуудал хамаагүй гэсэн” хэмээх тайлбарыг хийсэн.

Тэгвэл хоёр улсын хил дээр гацсан иргэнийг өнөөдөр /2020.07.30/ Монгол Улсын хилээр оруулахаар ажиллаж байгааг УИХ-ын гишүүн С.Одонтуяа твиттерт жиргэжээ.