СУРГУУЛИЙН САНХҮҮГИЙН БАРИМТУУДЫГ ЦОНХООР НЬ ХУЛГАЙЛЖ, 300 ХАМГААЛАЛТЫН АЖИЛТАН ОЧСОН БАЙЖЭЭ

Үймээн болсон Бритиш сургууль нь ХУД-ийн дөрөвдүгээр хорооны нутаг дэвсгэрт байрладаг бөгөөд "Эко скүүл гарден" компанийн нэр дээр үйл ажиллагаа явуулдаг аж. 12 жилийн сургалттай Англи сургуулийн захирал Х.Батжаргалыг Б.Ерөөлтөөр сольсноос хэрүүл тэмцлийн эхлэл тавигджээ. Х.Батжаргал нь тус сургуулийн эзэмшлийн 49 хувийн талыг төлөөлдөг бол Б.Ерөөлт нь 51 хувийг төлөөлж шинээр томилогджээ. Өчигдөр тус сургуулийн 110 –тоотоос санхүүгийн баримтуудыг хулгайлж цонхоор гаргаж байна гэсэн дуудлага тус сургуулийн ТУЗ-ийн гишүүн Ц.Ариунаагаас цагдаагийн байгууллагад иржээ. Дуудлагын дагуу 20 гаруй цагдаагийн албан хаагч оройн 20 цагаас шөнийн 00 цагийн хооронд тус сургууль дээр ажилласан байна. Тус сургуульд цагдаагийнхан очиход 300 гаруй хамгаалалтын албаны ажилтнууд 1-4 давхарт суулт хийсэн байдалтай байсныг нь бүгдийг нь гаргасан гэж тэнд байсан багш нар ярилаа.

Н.ӨНӨРЦЭЦЭГ