ХАР МАСКТАЙ ДЭЭРЭМ ХИЙСЭН ГУРВАН ЭТГЭЭДИЙГ БАРИВЧИЛЖЭЭ

Энэ сарын 18-19-ний шөнө 05:00 цагийн Чингэлтэй дүүргийн гуравдугаар хороонд байрлах "Цомбо бөөний төвийн хашаанд үл таних гурван залуу халдан харуулд хутга тулгаж, дээрэмдсэн хэрэг гарсан талаар мэдээлсэн билээ.

Дээрх гурван этгээд "Фарм Трейд ХХК"-ийн байранд хар өнгийн маск зүүж бараан хувцастай гурван залуу хашааны хаалгыг эвдэн орж улмаар харуулын үүрэг гүйцэтгэж байсан эрэгтэй 56 настай Э гэх ажилтанд хутга тулгаж гар болон биеийг нь скочдож үлдээгээд тус төвийн чингэлэгт байсан эд зүйлийг дээрэмдсэн юм.

Сэжигтэн гурван этгээд харуулын ажилтанг мэсээр айлган сүрдүүлж улмаар хүлж үлдээгээд эд зүйл хадгалдаг чингэлэгний цоожийг эвдэж дээрэмдсэн байна. Тэд нийт 20 сая орчим төгрөгний барааг дээрэмдэн авч, хэргийн газраас зугтсан аж. Уг хэргийг үйлдсэн хар масктай этгээдүүдийг эрэн сурвалжлах ажиллагааг орон даяар явуулсны үр дүнд энэ сарын 23-ны өдөр гэртээ байхад нь Эрүүгийн цагдаагийн алба хаагчид дайчлан баривчилжээ. Хэргийг харъяаллын дагуу Чингэлтэй дүүргийн цагдаагийн нэгдүгээр хэлтэст хэрэг бүргэлийн ажиллагааг нээж, мөрдөн шалгаж байна