ЯРУУ НАЙРАГЧ Ш.СҮРЭНЖАВ ТААЛАЛ ТӨГСЧЭЭ

Төрийн шагналт, Ардын уран зохиолч, яруу найрагч Шаравын Сүрэнжав бурханы оронд заларчээ. Энэ тухай түүний ойр дотныхон болон утга зохиолын салбарынхан цахим хуудастаа бичиж, эмгэнэл илэрхийлсээр байна.

Шаравын Сүрэнжав нь 1938 онд Төв аймгийн Авдарбаян суманд малчин ардын гэр бүлд төржээ. Тэрээр бага, дунд сургууль дүүргэж, улмаар МУИС, М.Горькийн нэрэмжит утга зохиолын дээд сургуулийн дээд курс төгссөн юм.

Ш.Сүрэнжав нь 1960-аад оноос эхлэн уран бүтээлээ туурвиж, "Шөнө ургасан цэцэг", "Ялалт", "Цэргүүд дуулж байна", "Миний дуулах ертөнц", "Нутгийн цэнхэр уулс", "Арав дахь хавар", "Арав дахь хавар", "Түүхийн жуулчин", "Дуулганд ургасан цэцэг", "Шүүгээн доторх хот", "Дээрээ нартай дэлхий", "Би тэнгэрийн харьяат", "Хэрлэнгийн баръя" роман номууд хэвлүүлж, эрийн гурван наадмын тухай "Гарьд магнай", "Тод магнай", "Цэц магнай" кино "Найзын гурван овоо" хошин жүжиг бичиж тайз дэлгэцнээ гаргасан. Мөн 1988 онд БНМАУ-ын төрийн шагналыг "Ерэн баатрын дууль", "Багш" зэрэг найраглалаар хүртэж байжээ