НАСАНД ХҮРЭЭГҮЙ ГУРВАН ХҮҮХЭД ХАР ТАМХИНЫ ХЭРГЭЭР ШАЛГАГДАЖ БАЙНА

Нийслэлийн хэмжээнд хар тамхи, мансууруулах бодис хэрэглэсэн хэрэг 131 бүртгэгдсэнээс, 258 хүн холбогджээ. Үүнээс 50 гаруй нь 18-25 насны залуус, гурав нь насанд хүрээгүй хүүхэд байгаа аж.

Нийслэлийн цагдаагийн газраас өсвөр насныхан болон залуус хаана, хэзээ хар тамхи мансууруулах бодис хэрэглэж байгааг судалж тогтоосон байна. Судалгаагаар энэ төрлийн гэмт хэрэгт холбогддог иргэдийн дийлэнх нь өмч хөрөнгө ихтэй, дээд түвшний, амьдралын баталгаа нь бүрэн хангагдсан өрхийн хүүхэд залуучууд байгаа аж

Мөн шөнийн 23:00 цагаас үүрийн 4:00 цагийн хооронд буюу баар цэнгээний газрууд уртасгасан цагаар ажиллаж байх үед хар тамхи хэрэглэдэг болох нь тогтоогджээ. Баар цэнгээний газруудад хар тамхи хэрэглэх, дамжуулан худалдаалах гэмт хэргийн гаралт нэмэгдэж байгаа тухай холбогдох албаныхан мэдээлж байна