13 НАСТАЙ УНААЧ ХҮҮ АМИА ХОРЛОЖЭЭ

Дорнод Цагаан-Овоо Уул суманд дөрөв хоногийн өмнө буюу 10-р сарын 26-нд малчин айлд хурдны морь унадаг 11 настай хүү амиа хорлосон байдалтай олджээ. Нас барсан хүүгийн аав ээж улаанбаатар хотод байдаг бөгөөд хэргийг Дорнод аймгийн цагдаагийн хэлтэс шалгаж байна. Хүний эрхийн үндэсний комиссынхон энэ хэрэг дээр ажиллаж байгаа юм. Бага насны хүүхдээр тэвчишгүй хөдөлмөр эрхлүүлсэн гэж үзэж байгаа юм байна. Дорнод аймгийн Цагаан-Овоо сумын тавдугаар багийн нутаг дэвсгэр Хүнхэр шанд гэх газарт нутаглаж байсан алдарт уяач С.Ганхуягийн нэрэмжит хурдан морь унадаг байсан хүү өөрийгөө боомилж амиа егүүтгэсэн харамсалтай хэрэг энэ сарын 27-нд гарчээ.

13 настай Р нь морины жүчээнд малын уяагаар өөрийгөө боомилсон байдалтай нас барсан байсныг хөрш айлынх нь хүн олж цагдаагийн байгууллагад дуудлага өгчээ.

Хүү яагаад амиа хорлох болсон шалтгаан нөхцлийг аймгийн цагдаагийн байгууллагаас болон Хүниий эрхийн үндэсний комиссоос шалгаж эхэлжээ. Учир нь унаач хүүхдийг "хүүхдийн тэвчишгүй хөдөлмөр" эрхлүүлж байсантай холбоотойгоор юм байна.