“СУТАЙН БУЯНТ” ХХК-ИЙН НИЙТИЙН ТЭЭВРИЙН АВТОБУС ШАТЖЭЭ

Нийслэлийн Сонгинохайрхан дүүргийн 19 дүгээр хороо, 21 дүгээр хорооллын автобусны буудалд автобус шатаж байна гэсэн дуудлага аравдугаар сарын 19-ний өдрийн 14:49 цагт Онцгой байдлын газарт иржээ. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 алба хаагч, 2 автомашинтай 1.5 км замыг туулан 14:53 цагт очиж, "Сутайн-буянт" ХХК-ийн 43-68 УБУ улсын дугаартай нийтийн тээврийн автобусны хөдөлгүүрийн хэсэг шатаж байсныг таван минут ажиллаж унтраасан байна.

Мөн Сүхбаатар аймгийн Баруун-Урт сумын дөрөвдүгээр багийн "Төмөртэй" хорооллын 10 дугаар гудамжинд Иргэн О-ын эзэмшлийн "Эрдэнэ-Ус" дэлгүүрт гал гарч байна гэсэн дуудлагыг аравдугаар сарын 19-ний өдрийн 21:33 цагт хүлээн авчээ. Тус аймгийн Онцгой байдлын газрын Гал түймэр унтраах, аврах 15 дугаар ангийн 5 алба хаагч, 1 автомашинтай 2 км замыг туулан 21:36 цагт очиж, 6х9 метрийн хэмжээтэй байшингийн дээврийн хэсэг шатаж байсныг 27 минут ажиллаж унтраасан байна