”НОМИН” СҮЛЖЭЭ ДЭЛГҮҮРИЙГ НЭГ ТЭРБУМ ТӨГРӨГӨӨР ТОРГОЖЭЭ

Хэдхэн хоногийн өмнө Солонгосын хөрөнгө оруулалттай "Ханару" сүлжээ дэлгүүрээс 40 гаруй сая төгрөгний үнэ бүхий хугацаа дууссан далайн гаралтай бүтээгдэхүүн, солонгос хоолны амтлагч бүхий бүтээгдэхүүнүүдийг хураан аваад байгаа. Тэгвэл өчигдөр ШӨХТГ-аас нэр бүхий компаниудад хяналт шалгалт хийсэн байна. Тодруулбал, М-Си-Эс Кока Кола" компани ундаа, ус, жүүс зэрэг шингэн хүнсний бүтээгдэхүүнийхээ жижиглэнгийн үнийг "Номин" сүлжээ дэлгүүртэй үгсэн тохиролцож нийлүүлдэг талаарх гомдол Шударга өрсөлдөөн, хэрэглэгчийн төлөө газарт иржээ.

Гомдлын дагуу зөрчлийн хэрэг нээн шалгахад, "М-Си-Эс Кока Кола" компани нь "Номин" сүлжээ дэлгүүр, "Скайхайпер маркет" зэрэгт бараа бүтээгдэхүүнээ хямд үнээр нийлүүлэхгүй байхаар тохиролцож, гэрээ байгуулсан ил болсон байна. Улмаар, Өрсөлдөөний тухай хуулийн 11 дүгээр зүйлийн 11.1.1-т "бараа бүтээгдэхүүний үнийг хэлцэн тогтоох" гэж, Зөрчлийн тухай хуулийн тусгай ангийн 10.7 дугаар зүйлийн 1.1-т "бараа бүтээгдэхүүний үнийг хэлцэн тогтоох" гэж заасныг тус тус зөрчсөн тул "М-Си-Эс Кока Кола" ХХК, "Номин тав трейд" ХХК, "Скай хайпермаркет" ХХК, "Моннидер" ХХК-иудад 11 саяас 1 тэрбум гаруй төгрөгийн торгууль ногдуулжээ

chuhal.mn