ИРЭХ САРД ЭЭЛЖИТ БУС ИХ ЭЕЭ ХУРАЛДУУЛАХЫГ ШААРДЛАА

Монголын үндэсний бөхийн холбоонд үүсээд байгаа маргаан эцэслэн шийдвэрлэгдэхгүй байсаар өнөөдөртэй золгов.

Маргааныг нэн даруй шийдвэрлэхийн тулд тавдугаар сарын 03-ны өдрийн Цэцдийн зөвлөлийн хурлаар тус сарын 18-нд Ээлжит бус Их эеийг хуралдуулахаар шийдвэрлэсэн билээ.

Үүнийг Дархан аварга Х.Баянмөнх 2018.05.17-ны өдөр хэвлэлийн хурал зарлаж, наадмын өмнө ээлжит бус Их эе хурлыг хийе хэмээн хойшлуулсан.

Харин зургадугаар сард МҮОНРТ-ийн ярилцлагаар дархан аварга Б.Бат-Эрдэнэ наймдугаар сардаа багтаан эсвэл 9-р сарын эхний 7 хоногт ээлжит бус Их Эе хийх санал гаргахад дархан аварга Х.Баянмөнх 10-р сард багтаан хурлаа хийе гэсэн болно.
Иймд Монгол бөхийн нэр хүнд унаж, хөгжил зогсч, олон бөхчүүдийн эрх ашиг зөрчигдөж байгаа тул мөн нийт олны хүсэл, шаардлагын дагуу 2018 оны 11-р сарын эхний 7 хоногт багтаан МҮБХ-ны ээлжит бус Их Эе хурлаа хийн нэгдсэн нэг холбоотой болж, Монголын өв соёлын нэг Монгол бөхөө мөхөөхгүйн тулд Монгол бөхөд хамааралтай та бид чин сэтгэлээсээ хамтран ажиллах шаардлагатай болж байна.