“Х APARTMENT” ХОТХОНЫ ЛИФТНЭЭС ХҮН УНАЖ ГЭМТЖЭЭ

Нийслэлийн Баянзүрх дүүргийн 8-р хороонд байрлах "Х Apartment" хотхоны таван давхрын лифтнээс хүн унаж гэмтсэн ноцтой осол өчигдөр (2018.10.17) 23.00 цагийн орчимд гарлаа.

Хэргийн газарт 00.40 цагийн орчимд очиход Цагдаа болон Онцгой байдлын алба хаагчид үзлэг явуулж, гэмтсэн иргэнийг лифтний хонгилоос гарган, Гэмтэл, согог судлалын үндэсний төвд хүргэхээр авч явсан байв.

Эх сурвалжийн мэдээлснээр тус хотхоны B блокийн таван давхарт хоёр хүн зодолдож, улмаар нэгнийгээ лифтний хаалга руу түлхсэний улмаас хонгил руу унаж, осолдсон байна. Тухайн үед лифт яваагүй зогссон байсан бөгөөд хаалга цөмөрч унажээ. Одоогоор осолдсон иргэний биеийн байдал ямар байгаа нь тодорхойгүй байгаа бөгөөд хэргийг Баянзүрх дүүргийн Цагдаагийн 3-р хэлтэст шалгаж эхэлсэн байна