АМИА АЛДСАН ЦАГДААГИЙН АРД ГУРВАН ХҮҮХЭД ӨНЧИРЧ ҮЛДЭВ

Энэ сарын 15-ны өдрийн 11:00 орчимд албан үүргээ гүйцэтгэж яваад гэмт этгээдүүдийн халдлагад өртөж, биедээ хүнд гэмтэл авч харамсалтайгаар нас барсан цагдаагийн алба хаагчийн араас Монголын ард түмэн эмгэнэл илэрхийлэн сууна.

Тэрээр залилангийн хэргээр орон даяар эрэн сурвалжлагдаж байсан этгээдүүдийг сэжиглэн зогсоож, албан үүргээ нэр төртэйгөөр гүйцэтгэх явахдаа ийнхүү амь эрсэдсэн билээ. Гэмт этгээдүүдийн машиныг шалгаж үед түүнийг таван км газар машинаараа чирч, дайрсны улмаас тархи нь бяцарч, биедээ хүнд гэмтэл авсан талаар эмчлэгч эмч нь мэдээлсэн юм.

Сүхбаатар дүүргийн цагдаагийн хоёрдугаар хэлтсийн алба хаагч, цагдаагийн ахлах ахлагч Д.Батсайхан нь насныхаа амралтад суухаар бичиг баримтаа бүрдүүлэн өгсөн байсан талаар эх сурвалж мэдээлэв. Тэрээр гурван хүүхдийн аав, хүний сайхан хань, ард түмнийхээ өмнө хүлээсэн үүргээ нэр төртэйгөөр гүйцэтгэж явсан Монгол төрийн цагдаа байсан юм.