ЦАГДААГИЙН ТУСГАЙ УТСАНД ГЭР БҮЛИЙН ХҮЧИРХИЙЛЛИЙН ДУУДЛАГА ИХ ИРЖЭЭ

Өнгөрсөн баасан гарагт Балжинням, Дашням давхцсан билэгт сайн өдөр тохиож, энэ өдөр хурим найр, үсний найр ихтэй байв. Монголчууд баяр ёслол болохоор архийг хэмжээ хязгааргүй хэрэглэж, элдэв гэмт хэрэг үйлдэх, өртөх зэрэг таагүй үйлдлийг их гаргадаг байна.

Өнгөрсөн баасан гарагт гэхэд оройны 22.00 цагийн байдлаар архи согтууруулах ундааны зүйл хэрэглэж гэртээ агсам согтуу тавьсан гэх дуудлагаар эрүүлжүүлэх байранд "тухалсан" олон иргэн байв. Тэдний ихэнх нь гэр бүлийн хүчирхийлэл үйлдсэн буюу агсам тавьж зодоон хийсэн гэх дуудлагаар иржээ. Цаашид эрүүлжүүлэх байранд ирэх хүний тоо нэмэгддэг гэдгийг албаны эх сурвалж онцолсон юм.

Тухайлбал, гэр бүлийн хүчирхийлэлтэй дуудлага Баянгол дүүрэгт 10 гаруй ирсэн бол Сонгинохайрхан дүүргийн цагдаагийн хэлтэст зургаа иржээ. Харин тус дүүргийн Эрүүлжүүлэх байранд 26 хүн орсон байв.Тэдний ихэнх нь ямар нэгэн баяр тэмдэглэсэн, найр хуримд очжээ. Ингэхдээ бусдад агсам тавьж, гэртээ ирж ар гэрийнхнээ айлган сүрдүүлж, гэр бүлийн хүчирхийлэл үйлдсэн байна.

Тухайлбал, СХД-ийн Эмээлтэд хүүхдийн үсний найранд очсон эмэгтэй архи согтууруулах ундаа хэрэглэж улмаар машинаа жолоодож гудамжаар яваад байна гэсэн дуудлагыг цагдаагийн байгууллагад өгчээ. Дуудлагын дагуу хэргийн газар очиход нөгөө эмэгтэй машинаа хаяж, зугтаахыг оролдсон бөгөөд цагдаагийн алба хаагчид хүч хэрэглэж барьж авсан байна.Мөн согтуудаа эхнэрээ зодож дарамталсан залууг цагдан хорьжээ. Тэрбээр гэрлэлтийн баталгаагаа салгуулах гэлээ гэж эхнэрээ зоджээ