​ЯВГАН ХҮНИЙ ЗАМ, ОРЦ ГАРЦ ХААЖ ЗӨВШӨӨРӨЛГҮЙ БАРЬСАН ХАШАА, ГАЗРЫГ ЧӨЛӨӨЛҮҮЛЭХЭЭР БОЛЛОО

Сонгинохайрхан дүүрэгт иргэдийн орц гарцыг хааж зөвшөөрөлгүй баригдсан байгууламжуудын газар чөлөөлөх ажил явагдаж байна. Орц гарцуудыг хааснаас 10 гаруй хүүхэд их, бага хэмжээгээр гэмтсэн талаар гомдолыг 62-р сургуулийн эцэг эхчүүд өгсөний дагуу УИХ-ын гишүүн Н.Учрал өөрийн биеэр тус газар ажиллаж газар чөлөөлөх ажлыг хууль журмын дагуу шийдвэрлүүлэхээр болсон байна.

СХД-ийн газрын албаны хүсэлтийн дагуу явган хүний зам, орц гарц хааж зөвшөөрөлгүй барьсан хашаа, газар чөлөөлүүлэх асуудалтай гишүүн Учрал өөрийн биеэр танилцсан байна. 62 дугаар сургууль, 26 дугаар цэцэрлэгийн хүүхдүүд цэцэрлэг сургуульдаа очихын тулд машин зам дээгүүр алхаж очдог, түүнээсээ болж хүүхдүүд зам тээврийн осолд өртөх эрсдэл өндөртэй байна. Энэ асуудлын гол шалтгаан нь тэдгээр сургууль цэцэрлэг рүү орсон иргэдийн зорчих орц гарцыг хааж хашаа барьсан явдал юм. Түүнийг хууль журмын дагуу шийдвэрлүүлэхээр боллоо.

Түүнчлэн өнөөдөр тойрогтоо ажиллаж хийж хэрэгжүүлж санаачилсан ажлуудынхаа нөхцөл байдалтай танилцсан байна Сонгинохайрхан дүүргийн 23 дугаар хороонд Ерөнхий боловсролын анхны сургууль баригдаж байна.

Мөн 18 дугаар хороонд 55 дугаар цэцэрлэгийн барилгыг шинэчлэн барьж байна, 21 дүгээр хороолол, Үйлдвэрчний эвлэлийн гудамж, Содон хорооллын хойд уулзвар гээд хороо бүрт зам тавих болон засварлах ажлуудын дийлэнхи нь гүйцэтгэгдэж дууссан байна.