ИНДОНЕЗИЙН ЦУНАМИГААР 844 ХҮН АМИА АЛДЖЭЭ

Индонезийн Сулавези арал дээр байгалийн гамшиг нүүрлэсний улмаас амиа алдсан хүмүүсийн тоо 1000-д хүрчээ. Энэ талаар "The Straits Times" мэдээлснийг "Лента" уламжлав. Өнгөрсөн есдүгээр сарын 30-ны ням гаригт тус улсын Ерөнхийлөгч Жоко Видодо 1200 хүн хохироод буй талаар мэдэгдсэн байна.Хохирогчдын тоо өсөж буй бөгөөд аврах ажиллагааны явцад, амиа алдсан хүмүүсийн цогцос нэмж олдсоор байгаа аж. Өмнө нь нийт 844 хүн нас барсан талаар "Associated Press" агентлаг Индонезийн байгалийн гамшгаас авран хамгаалах байгууллагын мэдээллээс иш татан мэдээлжээ."The Straits Times"-т мэдээлснээр, нийт 16.7 мянган хүн орон гэргүй болжээ. Гамшгийн бүсэд ойролцоогоор 2.4 сая хүн амьдардаг бөгөөд тэдэнд хүмүүнлэгийн тусламж нэн хэрэгтэй байгаа аж. Нийгмийн сүлжээнд мэдээлснээр, цунамийн 3 метр өндөр давалгаа үүсч, 7.7 баллын хүчтэй газар хөдөлжээ.Газар хөдлөлтийн улмаас зам харгуй гэмтэж сүйдсэн тул аврагчдад ослын газарт очиход хүндрэл бэрхшээл тулгарсаар байгаа аж. Одоогийн байдлаар аврах багууд нурангид дарагдсан иргэдийг аврах ажиллагаагаа үргэлжлүүлж буй юм байна. Өнгөрсөн долоо хоногийн баасан гаригт буюу есдүгээр сарын 28-ны өдөр Индонезид 7.7 магнитудын хүчтэй газар хөдөлжээ. Энэхүү гамшгийн улмаас хэдэн мянган байшин барилга, зочид буудал, эмнэлэг, худалдааны төвийн барилгууд сүйджээ.Сулавесийн чийглэг ой нь Зүүн өмнөд Азийн маш эмзэг, ховор эко системийг бүрдүүлдэг бөгөөд өнгөрсөн баасан гаригт болсон цунами нь шинжлэх ухааны хувьд маш том хохирлыг авчирсан гэж байгаль шинжлэлийн салбарын эрдэмтэд дүгнэж байгаа юм.

Мөн гамшигт өртсөн байж болох газруудтай хэл бүрэн авалцаж амжаагүй байгаа тул нас барсан хүний тоо нэмэгдэх магадлалтай юм байна.

Палугаас зүүн тийш байх Сиги гэдэг газарт нэгэн сүм дотроос 34 хүүхдийн цогцсыг олдож олон нийтийн сэтгэлийг шимшрүүлжээ