БАЙДРАГ ГОЛЫГ БОХИРДУУЛЖ БУЙ АЛТ ОЛБОРЛОГЧДЫН ТАЛААР МЭДЭЭЛЭЛ ХИЙНЭ

Өнөөдөр дараах үйл явдлууд болохоор товлогджээ.

09:30 цагт: "Монголын хөрөнгийн бирж" ТӨХК нь Зээлийн батлан даалтын сантай хамтран биржээр арилжаалагдах компанийн өрийн бичигт /бонд/ батлан даалт гаргах чиглэлд харилцан ойлголцлын санамж бичигт гарын үсэг зурах ёслолын арга хэмжээ болно. Холбоо барих утас: 95953141

10:00 цагт: УИХ дахь Монгол Ардын намын бүлгийн хуралдаан Төрийн ордны "Жанжин Д.Сүхбаатар" танхимд, Ардчилсан намын бүлгийн хуралдаан "Их Эзэн Чингис хаан" танхимд эхэлнэ.

11:00 цагт: MN-Мэдээллийн төвд "Байдраг нутаг усаа хайрлан хамгаалъя" ТББ-аас Баянхонгор аймгийн Жаргалант сум дахь хууль бус алт олборлолт, Байдрагийн голыг бохирдуулж буй бохир үйл ажиллагааны талаар мэдээлэл хийнэ.

11:00 цагт: Эрүүл мэндийн сайд Д.Сарангэрэл, Гэмтэл согог судлалын үндэсний төвд ажиллана.

11:00 цагт: Шүүхийн ерөнхий зөвлөлийн гишүүн О.Зандраа, "Хууль эрх зүйн хөгжлийн хүрээлэн" судалгааны байгууллагын судлаач Г.Цагаанбаяр нар "Шүүгчийн ачаалал" сэдвээр Шүүхийн ерөнхий зөвлөлийн 105 тоот танхимд мэдээлэл хийнэ.

11:30 цагт: Исламын Бүгд найрамдах Афганистан Улсад явагдаж буй НАТО-гийн цэргийн хүчний тэргүүлсэн "Шийдвэртэй дэмжлэг" олон улсын ажиллагаанд АНУ-ын Зэвсэгт хүчинтэй хамтран үүрэг гүйцэтгэх Монгол Улсын Зэвсэгт хүчний Цэргийн багийн бие бүрэлдэхүүний Жанжин туганд хүндэтгэл үзүүлэх ёслолын ажиллагаа ЗХЖШ-ын жагсаалын талбайд болно.

12:00 цагт: Мэдээлэл технологийн салбарын хөгжил дэвшил, шинээр нэвтэрч буй техник технологийг олон нийтэд танилцуулдаг "ICTEXPO-2018" үзэсгэлэнгийн нээлт Мишээл экспо төвд болно.

12:00 цагт: MN-Мэдээллийн төвд Бүгд найрамдах намаас цаг үеийн асуудлаар хэвлэлийн бага хурал зарлалаа