ДАРХАН АВАРГА Ж.МӨНХБАТ АГСНЫ НЭРЭМЖИТ БӨХИЙН БАРИЛДААН БОЛНО

Төв аймгийн Эрдэнэсант сумын харьяат Монгол улсын даяар дуурсагдах, далай даян, дархан аварга Ж.Мөнхбат агсны нэрэмжит улс, аймгийн алдар цолтой бөхийн барилдаан өнөөдөр 13.00 цагаас түүний төрсөн нутаг Эрдэнэсант суманд болно. Намрын дунд сарын шинийн 17-ны балжинням, дашням давхацсан билэгт сайн өдөр Дархан аварга Ж. Мөнхбатын үүсгэн байгуулсан "Их шавь" дэвжээ, спорт сургалтын төвийн нээлт болсон билээ.

Спорт сургалтын төвийн нээлтэд Ж.Мөнхбат агсны гэргий Ө.Тамир, том хүү М.Батхуяг, аваргын бага хүү мэргэжлийн сүмо бөхийн 69 дэх их аварга, Хөдөлмөрийн баатар Хакухо М.Даваажаргал, Хөдөлмөрийн баатар, Ардын багш Ч.Дамдиншарав, Монгол Улсын гавьяат тамирчин, дархан аварга Г.Өсөхбаяр, Хөдөлмөрийн баатар, олимпын алтан медальт Э.Бадар-Ууган, Улсын аварга Г.Эрхэмбаяр, Хөдөлмөрийн баатар, тод манлай уяач Д.Даваахүү болон үе үеийн төгсөгчид хүрэлцэн ирсэн юм. Спорт сургалтынх нь төвийг нээсэн үр хүүхдүүд нь өнөөдөр нэрэмжит барилдааныг нь зохион байгуулахаар болжээ