Зам тээврийн хөгжлийн сайд, Сангийн сайдын хамтарсан тушаал энэ оны гуравдугаар сарын 3-нд гарч, улсын хэмжээнд автотээврийн хэрэгслийн шинэчилсэн бүртгэлийг зохион байгуулах үүргийг аймаг, нийслэлийн Засаг дарга нарт өгсөн. Дээрх хамтарсан тушаалын хүрээнд Нийслэл, дүүргийн Засаг даргын захирамж гарснаар иргэдийн эзэмшилд бүртгэлтэй авто тээврийн хэрэгслийн шинэчилсэн бүртгэл, тооллогыг зохион байгуулах ажлыг Баянгол дүүрэгт зургаадугаар сарын 14-өөс 28-ны өдрүүдэд явуулахаар болж, Ажлын хэсгийн анхны хуралдаан өнөөдөр боллоо. Хурлын үеэр дүүргийн Засаг даргын үүргийг гүйцэтгэгч, Засаг даргын оролцогч Д.Жаргалсүрэн, дүүргийн Замын цагдаагийн хэлтсийн дарга Н.Ариунтөгс нар хороодын Засаг дарга нар болон холбогдох алба хаагчдад мэдээлэл өглөө.
Дүүргийн Засаг даргын үүргийг гүйцэтгэгч, Засаг даргын орлогч Д.Жаргалсүрэн “Хороодын Засаг дарга нар “Автотээврийн үндэсний төв” ТӨҮГ-аас ирүүлсэн жагсаалтад тусгасан, сүүлийн 1-4 жилийн хугацаанд техникийн хяналтын үзлэгт хамрагдаагүй тээврийн хэрэгслүүдийн шинэчилсэн бүртгэл, тооллогод бүрэн хамруулах, Ажлын хэсгийг ажиллах нөхцөл боломжоор хангах, шаардлагатай мэдээ, мэдээллийг гаргаж өгөхөд идэвхтэй оролцоорой” гэсэн юм.
Мөн дүүргийн Замын цагдаагийн хэлтсийн дарга Н.Ариунтөгс “Автотээврийн үндэсний төв” ТӨҮГ-аас гаргаж өгсөн мэдээллээр дүүргийн хэмжээнд шинэчилсэн бүртгэл, тооллогод хамрагдах 26131 тээврийн хэрэгсэл байна. 1-34 хорооны заримд нь 2700 гаруй тээврийн хэрэгсэл бүртгэлтэй байхад зарим хороонд 1 машин байна. Тооллого зохион байгуулах ажилд Хороо хариуцсан хэсгийн байцаагч, зохицуулагч нар удирдамжид заасан чиг үүргийн дагуу ажиллах тул Хорооны Засаг дарга нар хамтарч ажиллаарай гэсэн юм.
ИРГЭД ТА БҮХЭН ТООЛЛОГОД ХАМРАГДСАНААР:
- Дахин ашиглах боломжгүй тээврийн хэрэгслээ бүртгэлийн сангаас хасуулах /Ингэснээр татварын ногдол нэмж үүсэхгүй байх/
- Худалдах худалдан авах гэрээ, итгэмжлэлээр бусдад шилжүүлсэн боловч тухайн өмчлөгч өөрийн нэр дээр шилжүүлэн аваагүй бол таны нэр дээр татвар, торгуулийн өр үүсэх нөхцөл байдал үүсдэг. Иймд дээрх гэрээ, итгэмжлэлийн дагуу өмчлөгчийн мэдээллээ шинэчлүүлэх
- Хуульд зааснаар техникийн хяналтын үзлэгтээ цаг тухай бүр орж байх нь тээврийн хэрэгслийн бүртгэлийн сангаас хасагдах эрсдэлээс тус тус сэргийлэх юм.
Иймд иргэд та бүхэн тээврийн хэрэгслийн шинэчилсэн бүртгэл, үзлэг тооллогод идэвхтэй оролцож өмчлөгчийн мэдээллээ шинэчлэх, цаашид ашиглагдахгүй болсон тээврийн хэрэгслийг хасуулахыг УРИАЛЖ байна.
Шинэ мэдээ
97 дугаар цэцэрлэгийн дээвэр, гадна фасад болон цонх, хаалгыг нь орчин үеийн технологиор иж бүрэн шинэчиллээ
БГД-ийн 10-р хороонд бичил цэцэрлэгт хүрээлэн байгуулав
Баянгол дүүргийн 52 байршилд тоглоомын талбайн тохижилт хийж байна
Баянгол дүүрэг Тундэмүн дүүргийн ИТХ-тай хамтран ажиллах Санамж бичиг байгууллаа
Цахилгаан автомашинд дугаарын хязгаарлалт үйлчлэхгүй
Шилдэг стартап залуучуудад санхүүгийн дэмжлэг олгоно
Баянгол дүүргийн “Эрдмийн өргөө” цогцолбор сургуулийн 640 суудалтай өргөтгөл ашиглалтад ороход бэлэн боллоо
Баянгол дүүргийн Удирдах ажилтны ээлжит Шуурхай зөвлөгөөн боллоо
Баянгол дүүргийн ЗДТГ, Цагдаагийн газар хамтран “АЮУЛГҮЙ ГУДАМЖ-ХЯНАЛТ” 14 хоногийн аяныг эхлүүллээ
БГД-ИЙН ЗАСАГ ДАРГЫН ОРЛОГЧ Д.ЖАРГАЛСҮРЭН 16-Р ХОРООНД АЖИЛЛАЛАА
БГД-ИЙН 5, 8, 9, 13, 14 ДҮГЭЭР ХОРООНЫ 7 БАЙРАНД ХИЙСЭН ФАСАД, ДУЛААЛГЫН АЖИЛ ДУУСЛАА
НОНХС-ГИЙН ХӨРӨНГӨ ОРУУЛАЛТААР БГД-ИЙН 33-Р ХОРООНД ТОХИЖИЛТ, БҮТЭЭН БАЙГУУЛАЛТЫН АЖИЛ ХИЙЛЭЭ
ШИМАДА ХОТЫН ИРГЭДЭЭС ХАНДИВЛАСАН СУРАГЧИЙН ЦҮНХИЙГ БГД-ИЙН 1-34 ХОРООНД ХУВААРИЛАН ӨГЛӨӨ
БАЯНГОЛ ДҮҮРЭГТ ХИЧЭЭЛИЙН ШИНЭ ЖИЛИЙГ УГТСАН ИХ ЦЭВЭРЛЭГЭЭГ ЗОХИОН БАЙГУУЛЛАА
БАЯНГОЛ ДҮҮРЭГТ ХИЧЭЭЛИЙН ШИНЭ ЖИЛИЙН ӨРГӨТГӨСӨН ХУДАЛДААГ ГУРВАН БАЙРШИЛД ЗОХИОН БАЙГУУЛЖ БАЙНА
ХАЯГ
Улаанбаатар °C 
Сэтгэгдэл (0)
Сэтгэгдэл бичигдээгүй байна