Олон улсын сувилагчдын баярыг тохиолдуулан БГД-ийн ЭМТ болон ӨЭМТ-ийн сувилагч нартаа мэндчилгээ дэвшүүллээ

Олон улсын сувилагчдын баярыг тохиолдуулан өнөөдөр (2023.05.12) Баянгол дүүргийн Засаг даргын орлогч Д.Жаргалсүрэн, Нийгмийн хөгжлийн хэлтсийн дарга С.Мөнхзаяа нар дүүргийн Эрүүл мэндийн төвийн болон Өрхийн эрүүл мэндийн төвүүдийн нийт сувилагч нарт мэндчилгээ дэвшүүллээ.

Мөн тус арга хэмжээний хүрээнд сувилахуйн эрдэм, ухаанаа дайчлан, хамт олноо манлайлан үр бүтээлтэй ажилласан дараах сувилагч, эмнэлгийн мэргэжилтнүүдийг Засаг даргын "Өргөмжлөл", "Жуух бичиг"-ээр шагнаж урамшууллаа.
Баянгол дүүргийн Засаг даргын “Хүндэт жуух” шагналаар:

• Ахмадын салбар эмнэлгийн сувилагч Д. Ганчимэг
• Нийгмийн эрүүл мэндийн тасгийн эх барих бага эмч Э. Сувдаа
• Хүүхдийн салбар эмнэлгийн сувилагч С. Нандин-Эрдэнэ
• Зөвлөх поликлиникийн техникч Н. Нямдарь

Баянгол дүүргийн Засаг даргын “Өргөмжлөл”-өөр

• Нэгдсэн лабораторын лаборант П. Хажидмаа
• Нэгдсэн эмнэлгийн сувилагч Ц. Отгонтөгс
• Нийгмийн эрүүл мэндийн тасгийн эх барих бага эмч Ч. Оюунтунгалаг
• Зөвлөх поликлиникийн сувилагч Ш. Сарантуяа нарыг тус тус шагнаж урамшууллаа.

Ард иргэдийн эрүүл мэндийн манаанд өргөсөн тангарагтаа үнэнчээр зүтгэдэг, цагаан нөмрөгт баатрууддаа халуун баярыг хүргэе!