Т.Доржханд: Хүү маань мөнгөө цуглуулаад зээлээ төлнө гэсэн

УИХ-ын гишүүн Т.Доржхандын хүү Д.Эрдэм, эхнэр У.Сийлэн нар Боловсролын зээлийн сангаас зээл авч гадаадад сурчихаад зээлээ төлөөгүй талаар бид мэдээлсэн. Тэгвэл энэ мэдээллийн хариуд тэрээр, “Хүү маань 2019 оны дэлхийн хоёрдугаарт эрэмбэлэгдсэн Кембриджийн их сургуульд элсч, журмын дагуу зээл авсан нь үнэн. 2020 онд аав нь УИХ-ын гишүүн болсон тул өөрийн санаачилгаар зээлээ зогсоосон. Мөн мөнгөө цуглуулж төлбөрөө өөрөө барагдуулна, та битгий оролцоорой гэсэн шийдвэр гаргасныг нь аавын хувьд дэмжиж байгаа. Ажилд орсон цагаасаа хойш мөнгөө цуглуулж, мөн холбогдох газарт нь хандаж төлөхөө мэдэгдсэн байна. БЗС-гийн зээлийг буцаан төлүүлэх нь зөв” гэсэн юм.

 Ардын хүүхдүүдийн боломжийг хулгайлж зээл авсан бол төлөх учиртай. 25 жилийн алдагдсан боломжийг нөхөж чадахгүй ч авсан зээлээ төлөхийг бид шаардсаар байх болно. Ямартай ч эхнээсээ авсан зээлээ төлнө гэдгээ мэдэгдээд эхэллээ.