​ Цэцэрлэг, сургуулийн дотуур байрыг эрүүл мэндэд ээлтэй бүтээгдэхүүнээр хангана

УИХ-ын гишүүн Ш.Адьшаа Ховд аймгийн 17 сумын бүх дотуур байр, цэцэрлэгийг эрүүл мэндэд хоргүй, эко хэрэглэгдэхүүнээр хангахаар зорьж байна. Тэрээр “Боловсролоо дэмжье” хөтөлбөр санаачилж хэрэгжүүлж байгаа. Энэ хүрээнд хүүхдүүдэд зөвхөн эрдэм боловсрол олгох бус эрүүл, амьдрах чадвартай монгол хүн болгон төлөвшүүлэхэд анхаарах ёстой гэж үзжээ. Тэрээр аймгийн төвийн гурван цэцэрлэг, ерөнхий боловсролын долоо дугаар сургуулийн дотуур байранд хүүхдэд зориулагдсан, дээд зэргийн чанартай даавуугаар хийсэн орны цагаан хэрэгсэл, нян бактери үрждэггүй хоолны багц бүтээгдэхүүн олголоо. Цаашид гадаад дотоодын хандивлагч байгууллагатай хамтран аймгийнхаа бүх цэцэрлэг, дотуур байрыг хүүхдийн эрүүл мэндэд ээлтэй бүтээгдэхүүнээр хангах юм байна. Энэ үеэр, долоо дугаар сургуулийн дотуур байр төсөв мөнгөний хомсдолоос шалтгаалан 2018 оноос хойш сурагчдын цагаан хэрэгслийг солиогүй гэдгээ хэлж байв.